玩到四點幾，都是時候 check in 了，因為酒店三點後可以入住。

迪士尼有兩間酒店，一間係好萊塢，另一間係迪士尼，呢間就係迪士尼了。

房價方面，好萊塢要千三元一晚，而迪士尼則是二千三百元一晚。

這間酒店，在我看來是極 ok 的，地方企理，夠大，寬頻免費（有寬頻對我來說絕對很重要），設備齊全，仲有兩枝免費水，絕對是五星級級數！

書檯夠大，我在那晚也有寫網誌，覆電郵及覆稿，上網：

床很大，不過枕頭就好軟，而且可能是三寶床，我那晚很夜才睡得著；第二天一早又去食百六元一個的早餐了：

佢枕頭特多，我個人有一個很奇怪的睡覺習慣：頭枕一個，手攬一個，雙腳夾一個，腳墊一個，共要用四個枕頭；這裏有那麼多枕頭就真係啱哂我了。

電視是 LCD 來的，超大，應該是三十七吋，和我寫字樓一樣，佢呢部機既聲超靚，我下次買機都可能會考慮 Panasonic：

洗手間，超大，而且設備齊全：

基本上，呢間酒店係好好，服務就一般了（其實佢真係無乜服務）。

我突然睇到張相有個浴缸，先醒起我無浸浴缸；我係好鐘意浸浴缸的，因為我喜歡被暖水包圍的感覺。

點解無浸浴缸呢？因為我地入左房之後，好快又出番去，然後去左佢地樓下既 Victoria Spa。

以價錢黎計我覺得非常之貴了，HKD950 只得五十分鐘，兩個人一個鐘去左千九元。除左金沙之外，我都諗唔到點可以係一個鐘駛千九元了。

佢既 Spa 係大有來頭的，因為佢地既專業技師，全部都係英國搵人飛過來教的，手勢正宗，我只係在泰國既 Spa 得到同樣既服務，我記得果時係三個鐘千四蚊，呢間貴過泰國好多。

舒服係舒服，而且佢果度有涼沖，有按摩池，我都幾鐘意佢個按摩池的，水力按摩力度夠大，真係可以將我既疲勞趕走哂！

(待續）