有很多女生，外表及身材都沒有問題，經濟好，獨立且自給自足；但一直都沒有對象，如何突破？

我們必然要每方面去想，想想在每方面應該要做的東西有沒有做，繼而讓自己有突破。

冷靜下來理智分析，必有方法。

網友分享

親愛的龍師傅：

我每星期都會聽情到龍匙，亦會睇你所寫嘅網誌，實在係獲益良多，好多謝你！

（龍師傅註：謝謝你的支持，看得多，聽得多，必然會對感情有幫助，因為我的網誌，情到龍匙，會讓你不停又不停的了解正確的感情道理，而且深印在腦海中。）

 我今年將會36歲，政府部門工作，大學畢業，樣子普通，身材不錯，因為經常做運動保持身材。

（龍師傅註：有相為証，我有看過，很好身材，完全符合描述。）

 除左工作，我平時會學煮西餐、西餅、畫油畫、跳舞Jazz、做GYM，間中都會進修下英文，星期日唔洗返工就會返教會。

（龍師傅註：這些都是好的嗜好，有宗教信仰則要留意，請別誤會，我每次都要說得很清楚，宗教信仰並不是不好，而是要留意宗教信仰會否影響自己的感情價值觀。

絕不是我作出來，而是事實，我有客人告訴我她的教會不准許教友 28 歲前拍拖，28 歲後也只能和教會的教友來往，你可想而知成功機會幾乎等於零。

這些都是需要客觀思考的東西，大家也請別斷章取義急不及待對號入座說我反對人信宗教；這也必然和教會沒有關係，而是每個宗教信仰都可能有此問題。）

 我嘅朋友圈除左中/小/大學同學、仲有興趣班朋友、柔道嘅朋友、政府部門training同班、仲有傾得埋嘅同事、仲有一班龍舟隊嘅朋友同佢地的朋友黎自各行各業嘅，銀行同空姐都有嘅；我算健談嘅，亦都好鐘意結交新朋友。

（龍師傅註：這也算是好，朋友圈也是健康；只是過了很久還未有對象就要往外求。）

 我已經14年無拍拖啦。原因係好複雜嘅，包括原生家庭嘅影響（父母離婚，將我同細佬當成錢嘅工具，父母互相怨恨，我長大之後只係佢地嘅提款機）簡單黎講父母兩人都係情緒荷索對我有一定影響嘅！

（龍師傅註：原生家庭必有影響，自己的價值觀也要留意，14 年沒有拍拖是很不正常的事情；這和你的外表及身材無關，因為你的外表及身材都沒有問題，餘下來的，是自己的內心問題，價值觀問題。

不過光看相未能看到動態，我也未和你談過話，所以真正問題所在必然要見面才可以看到；現時只能就著你提供的資料分析。）

 我拍過兩次拖，最後一次係大學時期同男朋友一齊住，感情維持差不多4年分手，因為我剛出黎社會做事，工作壓力大，父母亦係金錢方面荷索我，脾氣越來越差壞，感情轉淡就分手。

（龍師傅註：自己思想負面也會有影響，男生和你一起，一定想快樂，一定想正面；如果自己不停想法負面，那對方必然會分手。）

 之後一直無拍拖，其實一直都有男人對我示好嘅，當中有的比我年輕好多嘅同事，但我一直未放底到之前嘅傷害，直到睇左師傅嘅網誌，同收聽情到龍匙，我改變左好多；再加上好姊妹係交友app 識到一個男人可以開花結果，今年3月結婚，好鼓勵到我，於是我就即刻去speed dating 再加網上交友。

（龍師傅註：中間很有問題，因為自己的想法，而未能因應現實而去，因為現實必然是舊的走了，新的就來；來到，就要接受，但因為自己的價值觀問題，即使有機會也强行壓抑自己，結果必然未能盡如人意。）

係短短3個月就約會左7位男士全部都係交友app識嘅，反而speed dating 所認識嘅男士無再約出黎見面同傾計；而呢7位男士只有2位年紀比我大，其餘嘅都比我年輕1到7年，雖然之後都發展唔到做男女朋友，但有的約會嘅感覺都幾好呀。我亦有聽師傅講要著短裙、化粧、噴香水，慢慢會成為習慣。

（這是必然的，一定要讓自己有吸引力，機會就會不停來。）

 正如師傅所講，有好多時男女感情技巧都係要練習得黎嘅，而且我真係好多年都無拍拖開初真係會生疏架，我都本著就算蝕底少少（有的搵食男都會手多多，如果見面拖手、接吻同攬腰都可接受）都想盡量約會練習。

（龍師傅註：這是必然的，久未拍拖必然會生疏，也必然要時間去練習技巧。）

有時都會同搵食男見而約會食飯，當然其他事就唔會答應啦；女性真係去到我呢個年紀係會少左好多機會，好多男士都只會當為次選或者係搵食對象，而近期興姐弟戀，好多30歲以下男士約會同搵我傾計，希望盡快搵到可以開始感情嘅對象！

（龍師傅註：因為你外表年輕，所以容易吸引到年紀比你小的對象。

看起來你的內心讓你之前錯過很多機會，現時必然是要提升內心的質素，加强身體語言，多練習，機會還是會有的。

繼續努力！

在我回覆了這篇來信之後，網友再向我報喜，她開始拍拖了，而且有一些有用資訊給各位參巧，她真的很有心。）

師傅，新年快樂！好開心講你知，我開始拍拖啦，男朋友係交友app識嘅，細我3年從事IT行業，第二次約會佢就送左鑽石吊咀頸鍊向我告白，一齊都未夠一星期佢已經提出下一個月中要去見佢父母，我感覺佢好有誠意同我發展，同時間知道無論個個男人幾毒/宅男只要係有興趣，男人都會主動追。

（龍師傅註：恭喜你在感情上取得重要突破！也印證了一點，只要照著我的方法去做，只要肯切實花點時間在感情上，九成的女生都可以有好感情。）

感恩，多謝龍師傅嘅分享，有的資料性嘅分享想講嘅，我用交友app Tinder 大約3個半月，contact list 大約有670人（好多都無傾計嘅）， 約會過大約9位男士，最後識到依家男朋友。

（龍師傅註：這印證了一個重點，就是別因為交那一，兩個男生沒有結果而灰心，是要不停認識新的人，機會就會來。）

見過一個會計師黑心男，食飯要AA制，無咩朋友，所謂嘅朋友係一年見一兩次嘅人，所有約會都係向「不用花錢」出發，實在浪費時間。

（龍師傅註：對，黑心男不要交往。）

我會一直支持師傅嘅網站！

祝你身體健康！工作順利！