今次和大家分享一個真實的個案，上次說到網上交友確是有很多機會，但同一時間我們也要小心在網上交友遇到不適合的男人，這些人就是搵食男，小費男，Sales 男，黑心男（全部字眼都是我原創的。）

這次網友遇到了搵食男及黑心搵食男，必然會讓大家有所體會，學到東西。

網友來信

龍師傅你好，首先祝你業務蒸蒸日上，財源滾滾！

今次來信主要係想多謝你對我哋一眾女人嘅幫助，我覺得龍師傅你話能夠聽到你個Podcast係好幸運，我真心認同能夠認識到你絕對係一個福氣。

（龍師傅註：好呀，有緣看到，而且是免費，文章大量，又實用，其實真是一個愛情圖書館，怎樣也看不完。

所以你一定要珍惜這些文章，因為在坊間九成都是垃圾感性文章，你絕難在外面找到這麼多只看事實而且有精密邏輯分析及有博奕的愛情文章教授愛情技巧。）

話說我本身長住一個華人數量比較少既洋人城市，好不幸地另一半過咗身，我俾自己既心靈休養左半年時間，最近再出返個market度尋找下一個可以托付既人。我依家一個星期大概有三至五個同唔同異性嘅約會。

其實我以前未認識龍師傅之前都係一個非常之感性嘅人，係感情路上犯過好多過錯，呢次我再出返嚟搵新嘅對象，我唔想再浪費自己時間（我剛離開2字頭行列），所以我認真拜讀龍師傅嘅文章，留心聽龍師傅佢Podcast，希望可以做到只看事實，理性談情。

（龍師傅註：對，對待感情一定要理性以及有邏輯，而有很多人都不愛講邏輯，覺得感情要用感覺來看待，結果就變成了「他對我不好，其實是對我好」的想法。

你有理智，並不代表不能享受愛情的，但有很多人都曲解了。

你喜歡牛扒，那你去餐廳，必然會叫牛扒，而你也不會因為你理性地選擇了牛扒，而感覺不到牛扒的美味。

那些感性無思考力的女人，就會覺得如果自己理性去選擇美味的牛扒，就不會吃到美味。）

今次我有兩個case可以同你分享，兩個對象都係喺網上認識。第一個係搵食男，我同佢見過一次面，飲過一杯咖啡，然後WhatsApp出現以下對話 : 

我記得師傅講過搵食嘅男士係會不停喺對話之中refer去到你嘅身體或者男女關係上，所以當對方話訓係我心口會比較舒適嘅時候我就冇再語言上回應佢。

只係俾咗一幅李小龍嘅心口圖佢，然後兩個鐘頭之後對方回一回我哋就了左呢件事，我亦冇再主動搵佢。

然後過咗一個星期，對方突然再搵我，然後就光速問去佢屋企食飯好唔好，至此確認搵食男一名是也。

（龍師傅註：一定是，沒有男人初次約會女方就叫女方去自己家裏的。）

第二個係黑心搵食男，呢個係一個專科醫生，佢第一次約我就係喺佢屋企附近食早餐。

因為附近比較難泊車，咁就建議我泊喺佢屋企樓下停車場我哋再行過去，

碰面之後去到餐廳叫咗早餐，佢比左錢先然後我當時再拎錢出嚟俾佢，佢收咗，最神奇嘅係佢見到我俾錢佢嗰一下佢對眼望住張銀紙，竟然兩眼放咗一下閃光，大概只有半秒時間但係比我捕捉到，我當時已經諗發錢寒？

（龍師傅註：第一次約吃早餐已娙有問題，還要那位男生厚面皮收下就更不值得交往。）

龍師傅話個第一次見面食飯已經收女仔錢一定係黑心男，所以我諗都冇諗就決定食完冇下次。

呢個人食食下拎手機出嚟㩒下㩒下，我當時以為人哋都冇興趣，咁就諗住嗱嗱聲食完走人啦，點知起身食完佢就問我過唔過對面馬路行下market。

我諗住成件事要亮麗有品15分鐘我豪俾你冇所謂就話OK過去行，結果過馬路時佢自己一個沖咗個馬路冇理到我過唔到，過完馬路佢問我抄小路( 泥路 )過去market好唔好，問我你着咩鞋，我心諗你係咪痴線㗎我着咩鞋你望咪望到囉，涼鞋啊先生！

因為我對佢冇興趣所以亦冇使出同意你唔同意嘅嘢呢一招，直接話我地行石屎路過去啦，沿途一路行佢行得好鬼快，同我起碼差左兩個身位我都費事理佢，之後突然佢又建議行小路，今次條路唔止係濕泥路仲要係斜，我就話我q住你手臂落去啦，佢二話不說一手攬住我條腰一齊行落去，真係益左佢。

過咗一陣我哋去到佢屋企樓下，入到lobby佢一手撳咗向上嘅lift制，再問我話不如上去坐下，我就笑笑口推撞話我下晝有事要走先，咁佢先至再咁返向下嘅呢仔等我可以去到停車場，走前我微笑再比多個點頭佢，心諗又黑心又搵食，真係一個壞男人界既人材。

（龍師傅註：這也是一個很好的分享，我常說，只看男人對你做甚麼事就可以了；直到今時今日還有天真客人問我：「明明 John 在開始約會時話會一年後娶我，為甚麼現在不是既？」

所以，我看到他對你做的事情是：

1. 他約你吃早餐，這是不正常的，只是想慳錢。

2. 他要你 AA，更不值得交往。

3. 他故意要行小路要和你有身體接觸，不恰當的。

4. 他第一次和你約會就叫你去他家坐，不恰當的。

所以這些也可以評定為不值得交往的男人。

大家在網上交友時，要萬分小心；而萬分小心必然不等同「你一定不能網上交友」，如果這是你唯一交到朋友的方法的話。）