所有文章, 感情個案30 3 月, 2018

每天都會收到很多個案來信,也會有客人的後續分享;因為來信太多,我未必能夠一一回覆,但如果題材適合,我樂意分享。

其中黑心男,搵食男及小費男,我會優先處理,因為這些都是我們日常生活之中可以避免的,只要你有足夠的認知,你必然可以成功繞過這些陷阱。

當中的一個秘訣是:多看個案。

C 小姐分享

龍師傅, 你好:

唔知發來你依個郵箱,會唔會得到你嘅點閱。我相信依個郵箱每日都會收到好多郵件,如茫茫郵海中你可以回復,就好了。不過就算無收到回復,我亦絕對理解。我同自己講,寫依封郵件,就黨係自己將事情理清一下。

(龍師傅註:好的,我會分享,因為你的來信對大家太有用處。)

認識龍師傅,純屬係機緣巧合。前幾日上網搜索一些情感建議,無意中點開咗你嘅網誌,覺得句句在理,一針見血,發人深省,跟住一口氣看咗好多,覺得相逢恨晚。對應你嘅一D理論,我應該屬於感情思維嘅人,真係慚愧,希望現在認識清楚也不遲。

(龍師傅註:很多人都是這樣說:相逢恨晚,不過有心不怕遲;只要自己願意,何時改變都是好時機。)

寫信來係因爲想你幫我分析一下我目前嘅處境。

我今年32,經歷過一次失敗婚姻,之後單身接近3年,一直無桃花。朋友都説我樣貌條件皆好,不能理解我爲何無人追。

(龍師傅註:自己要想,原因可以有很多,可能是外表,可能是性格,可能是生活圈子。

無論是何種原因也好,都要快點找出來,然後對症下藥。)

我朋友圈很狹窄,除了幾個親密的女性朋友,就衹有同事及行山隊。

當中,甚少年齡相近嘅異性,最致命嘅係我怕生,對陌生人好難開口,所以一直俾人難以靠近嘅感覺。

朋友曾説,未認識我之前,覺得我係“冰山美人”。

但性格嘅野,我實在係好難改。

單身期間,自己越來越獨立,加上自己唔中意欠人情,所以好少開口救助,去到後面,越來越習慣單身。

(龍師傅註:自己也知道原因,就是沒有和陌生人交往的能力。

開始時難交新朋友,往後自然機會少。)

最近,朋友相勸、推薦之下,開始使用dating app,好快就認識咗依家嘅男朋友。

(龍師傅註:網上交友絕對是一個好方法。你看,你一改變,機會就來了。

所以很多人不停說沒有機會,必然要問自己有甚麼可以改變。)

一開始係app度傾計,我都無咩特別感覺,只係覺得同佢傾計好舒服無壓力,傾咗幾日發現大家好多共同點,共同興趣同目標,令我好感大增。

期間談到前任,佢亦好坦白,而且佢講完自己嘅情史唔會反過來追問我嘅。

大概一個星期后,佢約我見面,本身約係禮拜日早上,但禮拜五夜晚佢突然問我要唔要出來唱K,佢驚禮拜日直接見面會好尷尬。

(龍師傅註:只看事實,所以我常說我的網誌是很實際的,而且應用得到。

這比起看大量感性文章好得多了。感性文章,說的東西都是廢的,而且不實在;她們注重個人情緒 ,說了一萬字你也不知道說甚麼,說些倒樁句如「黑即是白,白即是黑,黑黑白白,白白黑黑」你就看得很開心了,其實一點用處也沒有。

去到這裏,有甚麼事實可以看?你要看到,對方在相約那天之前,突然間加多一個約會,這不正常。

另外第一次出來就去唱歌,這也不正常。

其實星期五出來是多餘的,只是想快點和你熟絡,早日實行大滿足而已。)

我明知唔應該深夜應約但最後都係去咗唱K,結果就係兩個都好怕生嘅人通過唱K緩解緊張。

後來埋單我話同佢AA,佢話唔需要就出曬。

佢俾我嘅第一印象好好,溫柔有風度,高大威猛(因爲有健身),但朋友看完佢嘅相片后認爲佢係玩家,因爲外形太好。

(龍師傅註:這些自己都要留意,外表高大,樣子不錯,而且滑頭,必然是玩家。

如不是玩慣,絕對不會第一次約會就約深夜去唱歌。

自己真的要小心,網上交友,第一次見面就在深夜還要唱歌,很不正常;我們再看下去。)

第二日嘅約會,行街看電影吃飯,佢主動拖我手,分別個陣kiss咗。

(龍師傅註:是否太快?第二日就拖手,你很了解他嗎?

自己也同意,沒有人可以怪責,只能怪責自己。)

之後進展一發不可收拾,第三日就發生關係了,同日佢問我可唔可以做佢女朋友,我應承咗。

(龍師傅註:這麼奇怪?先發生關係然後問可否做女朋友?即如去餐廳先吃飽才問是否需要付費?

你會說「不可以」嗎?)

我承認發展太快了,快到都未互相瞭解清楚就交付咗自己。結果係之後嘅每一日交往,我都發現佢嘅另一面。

(龍師傅註:這是必然會發生的事情。)

佢有好多朋友,數以百計,所以社交生活異常豐富,基本每日都有朋友邀約,每個周末都有生日派對參加。

而佢本人亦好中意派對,因爲佢中意跳舞。

(龍師傅註:那當然了,否則他如何會不停有機會結識異性?)

而我其實係個比較居家嘅人,由此可見我哋性格衝突頗大。

我問過佢點解唔揾一個同樣性格外向嘅人,佢話覺得性格相同會容易相互傷害,而我同佢一冷一熱,可以令佢收心,如果我稍微外向一D就更好。

而我原本以爲我哋有好多共同興趣,後來發現其實我哋最大嘅興趣完全唔同,相同嘅只係次要嘅興趣,但佢話無問題,有D興趣可以一起做,有D可以分開同朋友做。

佢嘅朋友裏面,佔咗6成係男性,另外4成係女性。每日都見佢有好多信息要復,當中好多係女性朋友嘅信息。

佢對朋友好好,會主動發信息,同埋有信息必回,而且唔係普通嘅回復,係關心同問候,不論男女。

佢唔介意俾我看佢同女性朋友嘅信息,但在我看來,個D信息内容就好似同女朋友傾計咁,但佢覺得無問題,佢話佢對男性朋友一樣係咁。

我同佢講,佢嘅答覆會令人誤會,但佢唔明白有咩值得誤會。

(龍師傅註:這去到你的問題了,你有沒有反思過,為甚麼你不可以做到讓身邊的朋友有誤會,而你卻在怪責對方說話會容易引起誤會?這就是他的高强之處了。

這即如你看到別人很有錢一樣,為甚麼你會怪責對方這麼有錢,而卻沒有絲毫想法問問自己為甚麼沒有錢呢?你應該要做有錢那個的。

同樣地,你應該要吸引到他,去到一個點,要他自動不要引起任何女生誤會,因為怕你離開,而不是他說話會引起別人誤會,而讓你沒有安全感,擔心。

這是很重要的邏輯,你必然要想。

當然,我也看不到在這個個案之中你如何會讓對方自動不說引起別人誤會的說話的,因為他根本不是你想要的人,他必然是搵食男,而你不是在找搵食男。)

佢覺得如果個女仔對佢有興趣就一定會直接講,否則就係無興趣。

佢亦講過,一旦成爲朋友,就永遠係朋友。

順帶一提,佢係典型嘅天枰座,而我係典型嘅巨蟹座,星座上面我哋好唔夾。

(龍師傅註:不是的,只是他是搵食男,而你剛好出現,被他搵食而已。)

以上種種,令我覺得毫無安全感,當然就算再無安全感,我都唔會查佢,正所謂己所不欲勿施于人。

但内心嘅不安,我無法平息。我無數次諗過長痛不如短痛及早分手,但又唔捨得。

朋友話我在乎佢多過佢在乎我,話我一開始就輸了,雖然我覺得感情唔可以計較輸贏,但的確覺得地位不平等。

(龍師傅註:你不計較輸贏,所以你輸了。

感情必然是計算的過程,沒有人想在感情上輸的。

但你由第一次約會在深夜卡啦 ok 開始,到第二天馬上拖手及接吻,到第三次發生關係,你一早已為自己舖好輸路。)

以佢嘅話,佢係在乎我嘅,普通朋友佢唔會有身體接觸,唔會成日見面,唔會接送上落班;而佢也曾多次想帶我見佢父母,或去見佢朋友,但都俾我拒絕了。

(龍師傅註:不是的,只是你想多了,你的邏輯簡直是極致。

為甚麼?因為你想著「和你有男女關係的人,就是對你認真的人。」

不信你試試看,走去蘭桂坊,看看有沒有愛你的男人;我相信有很多,而且很快出現。

再沒有,大聲在蘭桂坊說句「有誰愛我?我想和他發生關係!」

如你覺得有問題,那問題在那裏?自己想想。)

但我依然係覺察唔到佢有幾中意我。

(龍師傅註:他在乎你,但不喜歡你?)

我唔知道是否應該繼續依段先開始咗3個星期嘅感情,如果繼續,我又應該點做?

(龍師傅註:絕對不應該繼續。你繼續下去,只會讓他不停搵食,直至他厭了為止;而且時間很短,三個月之內必有所獲,半年就很了不起了。

你要挑戰自己,想試試嗎?)

郵件好長,如果師傅抽時間看完並指點一二,我不勝感激!或者如果以上個案適合分享,我亦唔介意。期待回音。

謝謝!

(龍師傅註:好的,我語重深長,為的只是想你頭腦清醒而已。)

感情咨詢,一生運程,風水及擇日服務

龍震天設有:感情咨詢,一生運程詳批,合婚,陽宅及寫字樓風水,擇日結婚入伙,擇日生子服務。了解服務範圍及內容,收費可以按以下連結:

加我進 Facebook,讓你從此交上好運!

龍震天 Facebook 為眾人的心靈雞湯,每天定時推出鼓勵好運及人生正向訊息,幫助你改變想法,改變運氣。

關於作者

龍震天

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>