這次收到一位網友的來信，她是代朋友問的，她不知道身為朋友，應該如何幫助她。

而她的朋友已婚，但到最近感情很不穩定，她朋友羅列了三宗罪，我們一同來看一下。

​網友分享

龍師傅你好，

好多謝你呀龍師傅！由好多年前我失戀去搵你算命，到而家搵到個適合既老公一齊，你既文章都幫左我好多！

（龍師傅註：那就好，我很開心聽到你找到你的另一半，而且婚姻美滿！我的道理，其實簡單而易學，絕對沒有繞圈，絕無感性字眼，絕無形容詞及情緒一大堆，讓人看得舒服；相反，很多朋友都說我的文章血淋淋，很坦白，但我明白苦口良藥的道理。）

但我而家有個朋友正正就係你文章中擁有感性思維既女仔，以致佢而家每次出黎聚會都只係會發放負能量，睇見佢甘樣其實我地作為朋友真係好心痛，因為佢係一個對朋友好既女仔，可惜係錯誤既思想令佢長期感情生活都不如意，想請教下龍師傅我地作為佢既朋友可以點樣幫助佢，希望龍師傅唔介意幫我解答。

（龍師傅註：剛聽到，就看到你朋友已經有情緒垃圾站的特質：覺得身邊的朋友都是欠了她的，每次出來都急不及待說自己的慘事，全世界自己最慘，然後要求身邊的人圍著她團團轉。

​我想分享的是，這種人都不會有朋友，我身邊也有這類型的人，而朋友出來吃飯，聚會，有好東西，都不會預她們一份，因為她們沒有等價交換，只是不停的去浪費別人時間，也不會關心別人的事情，很自私，只顧自己。）

先講一講佢背景，佢屋企係中產，做開生意，而佢亦都係由細讀開名校，個樣亦唔錯，身型好瘦，但身材幾好，聲音亦都幾溫柔。

亦因為甘，佢自覺自己條件唔錯，好多時諗野都會比較離地，思想比較舊派，即係老公一定要賺到錢養老婆，比D錢女人管，女人唔應該要付出。

（龍師傅註：其實這些邏輯都是錯的，一段感情，只有自己接收，而從來沒有想過付出，這樣的感情必然是一團糟糕。

而女人在感情上的付出，必然不一定是金錢，有可能是自己外表，身材，身體語言，性格，照顧，責任心，專一度，甚麼都可以，每個人都不會相同。

自己就要想想，一直只想著將被愛放大，到最後男人離開，也不用扮奇怪的。）

佢同佢現任老公當初係拍左拖7年，到而家結左婚4年，但呢4年入面基本上我地每次朋友聚會都係聽到佢話同佢老公鬧交。鬧交既事情包括：

1）話奶奶成日黑佢面。佢同佢老公同埋佢老公細佬住係同一間屋，佢奶奶就住同一棟大廈但不同樓層。佢時常投訴話想搬出去住，因為唔想再於同一區居住及同叔仔一齊住。其實搬出去已經解決到問題，但可惜這樣的話開支就會好大，而佢地暫時係負擔唔到。

（龍師傅註：香港就是這樣，住屋問題非常嚴重，有時候，並不是想搬出去就搬出去的，和丈夫家人同住，自然磨擦會多。）

佢奶奶之後亦都曾經話過幫佢地比首期買樓，但只允許他們買回同一區。

所以我朋友就好唔開心，亦都好不滿佢奶奶。

我朋友亦都話佢奶奶睇唔起佢搵唔到錢幫老公減輕壓力，所以成日黑佢面。

但同時，我亦都問過我朋友，平時有無對佢奶奶好D，奉承下佢。

佢亦都答我無，仲反問返我點解佢要甘做，佢覺得如果為錢去對佢奶奶好D，甘樣係好假。

（龍師傅註：這些都是你朋友自己要想的，也是等價交換原理；我也看不到因為奶奶付首期給自己老公買樓，要求住在同一區，而構成離婚的理由。

對奶奶好，當然是假的，因為自己也不安好心，也沒有想著要好心對人；真或假不重要，重要是自己應該要做甚麼；既然結婚了，對方又是自己丈夫媽媽，自然假一點也要對對方好一點。

當然，自己不想這樣，那就是自己的選擇。

很多感性女人都跌進一個陷阱，不停以為自己要真一點好一點，但如果自己的真實性格是充滿仇恨，妒忌，不安好心，黑心，負面思想，發脾氣，有情緒，看不起別人，偏激，反叛，不停不同意身邊的人的事情呢？

如果是這樣，是否自己做回真實的自己，就會好一點呢？

這些道理，一想就明，但無奈很多人都想不通。）

2）佢老公食煙以致佢地鬧交。佢地拍拖既時候，佢老公話有食過煙，不過唔會再食。跟住到最近，佢發現佢老公褲袋有打火機，跟住就質問佢。佢老公話係壓力大，所以食返煙。我自己覺得係應該要體諒，但我朋友就話佢老公應該要考慮佢既健康所以唔應該食，又話D煙味好臭（其實佢老公只係係街到食煙），仲要呃佢，所以係好大罪。

（龍師傅註：吸煙固然不好，但這是個人的選擇，如果老公吸煙，而說壓力大，應該要了解為甚麼會這樣，不過你朋友也當然沒有同理心去了解。

我也未聽過離婚的原因是因為老公食煙。）

3） 佢完全接受唔到佢老公話佢，亦都歸咎佢同佢老公work out唔到係因為佢地價值觀好唔一樣，所以佢好想再搵到個有錢人做老公。例如佢覺得出得間餐廳食野就唔好理平定貴，自在甘叫野食就得，但佢老公就比較睇重價錢，會係到話D野食好貴渦。佢老公會去食平價雲吞麵，但佢就覺得果D地方好污糟，自己肯入去坐已經好好。

（龍師傅註：反過來想，自己不願付出，性格偏激，扮奇怪，這樣的價值觀也沒有一個人可以接受得到；她只是活在自己的世界之中。

要找個有錢人做老公，這只是主觀想法而已；我也想不到你朋友有甚麼等價交換。

當然，她老公可能會有問題，但我看到你朋友的問題不少。）

其實都唔止以上呢三樣，但我相信龍師傅已經大概知道我朋友係邊種女仔。

佢係好需要人地去照顧，乜都唔洗佢煩既女仔。

亦都比較自我中心，唔覺得自己諗法有錯，老公唔聽佢講野就係唔啱。

佢強調自己唔係物質，唔需要名牌，唔係需要好有錢，但希望老公可以令佢過返同佢原生家庭比到佢既生活。

但佢同朋友一齊出黎聚會既時候係完全無野，會關心朋友，但唔知點解一去到感情層面，佢就有好多負面既思想。

佢已經想離婚好耐，但又長期揸唔到主意係咪要離。

我成日同佢講，如果佢D思想一D都唔改變既話，一定要離婚。

就算佢遲D搵到個有錢男人，但依舊係甘既思想既話，段婚姻都未必成功。

龍師傅，究竟我慫恿佢離婚係咪一個好既解決辦法？我地作為佢朋友應該點樣一步步幫助佢？

（龍師傅註：我看上去你朋友不容易找到一個愛她的人，這樣的女人沒有男人會有興趣的，頂多只是有興趣她的身體，如果她樣靚身材正的話，交往之後，也當然越快離開越好，因為她是每一個男人的厄運。

照這樣的情況去看，她現時的老公不能滿足她，她也會不開心，她是應該離婚的；當然離婚之後找到一個能夠長期相處的人的機會也是很少，她應該有孤獨終老的預備。

若不，就要改變個人的性格，想法，但看上去改變的機會不大。

也不用相信我的，只看事實。事實是，你朋友有沒有很多男生對她有興趣，請她吃飯，送禮物給她，追求她？

如沒有，那她有甚麼想法也是沒有用處。）​

謝謝龍師傅抽空睇我電郵！

（不用客氣，只要題材適合，我就會分享。

身為朋友，你可以做的事情其實不多，因為關鍵在於你朋友不願意去改變，那任何人做任何事都不會有效果。

從這件事情可以看到，一個人的愛情知識，價值觀是如何重要；沒有正確的愛情觀，就只會活在自己的世界之中；你朋友還以為她有很多機會，不停會有男人對她有興趣，其實她的出現，只會是每一個人的厄運。

大家也要留意，一定要熟讀我的感情理論，一定要客觀審視在現實之中，自己做了甚麼，有甚麼等會交換。）