早兩日講開風水, 今日又講一個地方, 是九展:
呢個九展, 真係免費俾你都唔好去開舖, 風水極差, 最大問題係果條橋, 同埋交通超級唔方便:
橋還有反弓, 還好對不正, 只是在九展旁:
九展而家叫 Emax, 其實個場成日想做起, 但人流始終唔夠, 如果你有朋友想開舖做生意你又同佢有仇, 就可以叫佢租呢度; 計我話, 免費送個舖俾你都賺唔到錢.
你諗下, 佢又唔近地鐵站, 車又唔到, 咪以為開果D咁既 shuttle 就好巴閉; 如果你去過九展你都有試過, 九龍灣地鐵站行上德福花園搭車, 都要六分鐘時間, 而且 shuttle 載極一班車都只係五十七人; 當你極速, 一個鐘頭開足六班, 都係得果三百零人, 一日十個鐘, 都係得果三千人.
事實係, 沙田新城市廣場, 對正火車站, 三分鐘一班火車, 一落, 已經有兩千人, 一個鐘頭二十班, 怎能相比? 所以我常說一分錢一分貨就是這個道理.
再加上風水極有問題, 你看這條橋, 真的是對到正, 正是乜景都無:
另一邊又成反弓, 還好不是對正, 不過風水差的地方, 這裏也算數一數二了:
出面雖然好開揚, 但光線嚴重不足:
我看過裏面的舖頭, 真係十至九空; 和旺角, 銅鑼灣簡直是兩個世界!
