14 8 月, 2008

今天去旺角找一些 CD 及 DVD,因為早兩天買了一套 5.1 放在公司,所以想著買一些 "發燒天碟" 來試一下聲。

在經過信和商場的時候,看到一間賣得意東西的店舖,深深吸引了我:

店舖的名字叫做 Gift Sky,店主 Andy 是一個很 in 及很懂做生意的人,所以我們也被他哄了,買了很多東西,不過這不重要的,最重要是買得開心!

通常我們去精品店,每當貨品拿上手時,我們都會知道它是甚麼。例如筆記薄,公仔,筆座等等;但這間 Gift Sky,內裏賣的貨品有很多我都不知是甚麼東西,即使拿上手也不知道,到店主解釋了之後,我才恍然大悟,然後大笑。

我在這間小小的店舖裏逗留了半個鐘頭(也只是五十呎地方而已),差不多每一樣東西都吸引了我的興趣,看得非常過引!

人最重要的,是找到自己喜歡的東西,這些東西所費無幾,有的只是二十元而已,最貴的,我想也只是三,四百元。

來貨多是日本及韓國,也有些是 made in China,不過這不重要,最重要是好玩,得意!

像這一個:

是甚麼的士燈?怎樣用?不解釋也不知道。原來是可以裝在車身上的,例如店主 Andy 就將它放在車尾,和 brake 線 jam 在一起,他一踏 brake,這個的士燈就亮了,在街上看到會非常搶眼。

圖中右邊這個,是甚麼來的?

它的名字叫 "請勿觸摸"?當然不是,我也是估估下,因為要問的東西太多了,我問極也問不完!

我估是一部 CD 機或收音機吧?如你知道請告訴我。

以下這堆,是甚麼來的?左邊有可樂,右邊有樂樽;嘩!安樂死喎!

其實左邊的可樂是一部電話,鍵盤就在底部;而右邊那幾樽,就是軟糖,做到好似藥丸。

以下這個,你看有甚麼特別?

特別之處,是中間那塊板是凌空的!我估計應該是磁力。

以下這個,紅色綠色,又估下是甚麼?一向被喻為美若天仙又擁有著聰敏智慧的龍嫂也估不到!

如不開估,包你十世都估唔到:

其實是門塞來的。呢,塞住度門腳等佢唔好關門果隻!夠神奇呢!

這裏真的有好多精品,例如輪盤,飛行機,吹唔熄 candle,真係梗有一款啱你!

這部提款機,好得意,我覺得收九十八元極之合理:

佢係咁既,右邊有張咭,入去,再入密碼,咁佢就開,呢個只係佢其中一個玩法。

佢可以 set 時鐘,你可以存款,提款,每次都可以用鍵盤記錄低,佢會自動幫你加減。

另有儲錢計劃功能,例如你呢個月想儲三千元,咁每日儲一百,你可以 set 定,如時間到左,你無入錢,佢會大叫提你的,好得意呀!

呢盞燈,索價二百九十八元,收得呢個價,一定唔係普通既燈。

佢既特別之處,係用日本和紙做既,好靚,好珍貴,而且有 coated,防水!

以下呢個,係鬧鐘:

我睇店主 Andy 示範時,我 "咭" 一聲笑左出黎,因為佢除左識響之外,個攪伴機仲會將D發泡膠粒攪起,係咁飛,真係好得意,好嘈呀!點爛訓都會醒了!

呢盞燈,我覺得好抵,七十八元:

燈係觸控,有三級光度,上面有個玻璃杯仔,可以裝香薰油,咁既價錢,仲想點?即刻買啦!仲有一年保養!

呢套 lego,係 calendar,每個月自己砌,好得意:

佢另有一個功能,就係你要記事的話,只需要將 lego 移出一格,或移入一格就得啦!

佢仲有好多款鐘,同埋杯,枕頭袋,真係乜都有!

我都會再去,因為買左好多野,但係仲有好多野唔記得買,因為花多眼亂,而且店主 Andy 好好人,任試任玩,真係識得做生意之人!

做生意都係咁,俾你玩,令你玩到唔捨得,咁就會買了,我今日真係玩到好開心!

同我一齊睇野買野既,仲有好多人,大部份係學生;我係果一刻,童真即刻番哂黎,我同班學生都係不停有以下對話:

"呢個係玩乜嫁?"
"吓?唔係卦?咁都得?真係好玩!"
(大家狂笑,隔左一陣,又拿起第二樣野,重複以上對話)

如果你地睇左呢篇網誌,又有去呢間 Gift Sky 既話,請你話俾店主 Andy 知,有個叫龍師傅既人,去左佢間舖,得意忘形咁玩左半個鐘,係果半個鐘,真係好開心,乜都忘記哂,我真係好想多謝佢。

佢地既店名真係改得好,叫做 Gift Sky,禮物係由個天賞賜的,每個人都有份,最緊要你自己接受!

Gift Sky
地址:旺角信和中心 1/F 102 舖

關於作者

龍震天

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>