係呢度, 要同所有叫 Jeffrey 的客人, 朋友講聲唔好意思, 因為今日突然睇到, 原來我全部客人個名都係串 "Jeffrey" 既, 而唔係 "Jeffery"; 好奇怪地, 係我咁多年既生活同工作之中, 從來無人更正過我! 我打過無數電郵, 寫過無數次 "Jeffery", 但係從來無一個人, 係無一個人同我講過!
我諗我係有輕度既 "閱讀障礙症, 對我睇書, 寫稿無乜好大影響, 但係有D字由細睇到大都係睇唔到既, Jeffery 就是一例.
我既邏輯係咁樣既, Every 係 "v-e-r-y", 咁 "Jeffery 亦好順理成章咁用番 "v-e-r-y", 我覺得無問題, 亦諗唔明點解咁多年叫 Jeffrey 既朋友同客人都唔同我講既?
所有 Jeffrey 既朋友同客人, 請你講下你地係咪已經一早知道而唔同我講, 定係你地都有 "閱讀障礙症?"
講開又講, 我亦想起好多字, 都係好多年都無人同我講既, 例如:
Photo 既眾數, Photoes!
我由細到大都係寫 Photoes, 我既想法係咁: 小學時, 老師都有教過, 個字後面係 "o", 眾數就用 "es", 例如 potatoes, tomatoes, 我諗你地都有聽過可?
所以 Photo 既眾數, 我就好順理成章咁用 "Photoes", 不過原來正寫係 "Photos", 亦係咁多年都無人提過我, 我在一年前先知道!
除左英文, 中文都有兩個字, 我由細到大都寫錯, 直至好大過先寫番正確.
第一個: "梁" 字. 我細個的時候係唔會在個刀字上面加一點的.
第二個, "最" 字. 我會將左下角個部位寫成 "耳", 咁就多左一劃了!
現時更要小心, 因為常有 "執筆忘字" 的效應. 為甚麼呢? 就是現時多用電腦打字, 很多時候只要打數個碼, 字就打出來了; 到真正要寫的時候, 可能有很多深字都已經忘記了怎樣寫呢!