早前說過去了灣仔皇后大道東的 QBE 5/F 吃了一個甚為不值的日本懷石料理, 吃飽之後, 就在門口留意一下這幢大廈的風水, 因為甚少到過這個地區看風水. 感覺上風水甚差.

猶記得數年前有一次有個客人, 是做廣告設計及 marketing 的, 在灣仔一帶找舖, shortlist 了數間, 其中一間是在皇后大道東. 價錢亦最便宜, 當年是5元一呎, 但講明超殘舊. 不過見到價平, 也就叫我來看一看.

一到門口, 我還未上去, 我就已經說不用看了, 因為樓下廢氣甚多, 門口也甚為殘舊, 正是不如唔租好過.

這個QRE 則好一點, 新淨:

他們做的是上樓舖, 由地下到十幾樓都有, 但由於新開, 所以只有兩間租下, 其餘的還未開業.

但我可以告訴大家, 如果租了這裏, 即使唔駛錢, 也未必做得住.

第一, 上樓舖未開已經輸左七成, 除非有熟客, 而且也要佔地利, 才可以做得住, 像當年喜宴, 全部客人都是靠口碑來的, 生意大旺, 無獨有偶, 也是在皇后大道東, 但後來也要搬到大有中心.

第二, 這裏有正門唔開, 要開橫門, 入氣也打了一個大折扣.

第三, 以地區計, 雖然在灣仔, 但在皇后大道東, 不會像軒尼斯道那樣大收旺場, 所以也是嘥氣.

為甚麼不開正門呢? 因為正門給了 Bistro, 其實這個正門也不好風水, 因為是順水來的, 而家正門都無, 就差上加差, 想找客人來都幾難.

再看另一邊, 雖然有一個小門口, 但也太少了吧?

業主也似乎想到這一點, 所以為了旺場, 就起了一道橋和合和打通, 但也用處不大了:

再加埋這條橋, 就好像有一把利刀直插自己心臟, 我睇唔放血都幾難.

且留下這一篇風水報告做證, 看看一年後的QRE 怎麼樣; 始終離地鐵遠一點是蝕底一些.