30 3 月, 2008

講左咁多 Zense 既好野, 今日開始要講下D衰野了, 有排講!

可能有人會問, 咁奇怪既? 之前一路都講好野, 點解又會有咁多衰野?

我只能講, 我唔好彩, 因為全部都係可以避過的, 大家放心去, 只要留意我講既野, 避開就得了. 總括黎講佢既硬件真係做得好好, 只不過係軟件, 即係酒店既員工態度同埋思維出了嚴重問題而已. 其實 Zense 既員工一D都無 sense!

第二天, 和友人約定, 七時正落大堂食早餐.

嘩有無攪錯呀? 個早餐係七點到十點, 咁早落去? 訓都未訓醒啦!

我開頭都同你地一樣, 都係咁諗; 但係我友人又講得有道理. 佢話: "如果你九點幾落去食, 個人都醒哂, 食完又唔知做乜; 但如果係七點落去食呢? 食完八點前上房再訓, 然後做 late check out 都兩點, 咁你仲可以訓多六個鐘頭 ,  check out 完再去食, 又係喎!

我覺得好好玩, 於是決定陪友人試下呢個體驗! 我地仲要早一日玩到三點至訓添!

龍嫂堅決唔去, 但又唔俾我較鬧鐘, 因為佢醒左好難訓番, 所以我都只能較部 iphone 在枕頭底到時候震醒我咋陰公!

準時六點九起床, 略作梳洗就落去, 下次你地應該唔駛去酒店隔離中菜廳食, 因為佢原本早餐係酒店商務樓層, 都好 high 嫁!

但呢次佢話裝修, 所以要落去食.

未落去, 先去商務樓層睇下, 舒服好多喎:

環境格調優雅, 我友人仲話, 七點落去食早餐有個好處, 就係無人呀, 又係喎! 清清靜靜, 都不知道幾舒服!  咁下次去啦!

臨走前, 睇到佢地既咖啡機, 我以為發緊夢:

乜部咖啡機同我寫字樓果部一模一樣既? 唔通佢地搬左黎?

但磨豆機當然唔會分開啦! 大家睇下我部咖啡機既右手邊, 呢部就係半專業磨豆機, Rancilio Rocky 了, 我用得好滿意, 因為佢真係做到商業水準!

落到去大堂, 衰野開始黎了, 我入到去, 坐左三分鐘, 完全無人招呼我.

三分鐘有幾奈? 大家而家開始睇我個 blog 唔吸氣, 睇到尾, 睇下你頂唔頂到呀? 真係好奈!

我真係火都黎埋, 我叫個服務員埋黎, 問佢見唔見到我, 佢話見到.

咁我問佢點解唔埋黎招呼我, 佢即刻無言以對, 咁我又問過佢, 聲調提高左好多 (我以前係有玩朗誦的, 即係好似莫華倫果D, 但係讀字唔係唱歌). 全間餐廳既人都聽到, 無人敢過來.

咁算啦, 都開左氣了, 我都精神哂, 不過經過那兩分鐘之後, 我諗呢個服務員一生都記得, 睇到客人會主動走埋去, 因為佢到拉尾聲都震理, 同事全部都係背後默默支持佢, 無人敢過來!

我成日都講, 呢個世界有一種人, 叫做外星人, 佢地既特點係當你死既, 係咁踩埋黎, 當你話俾佢聽你知道佢係外星人之後, 佢就會縮, 其實係想話俾你聽: "我係外星人呀! 你打我啦, 我唔會還手嫁!"

咁當你 verify 左佢係外星人之後 (呢D可以係 gesture 睇到哂), 你要傾盡全力, 獅子撲兔, 殺雞用牛刀, 打到佢四肢殘廢, 終身都唔起得身! 打完佢你仲要話俾佢聽, 係邊個打到佢咁樣, 等佢一世都記得, 驚左你, 以後都怕左你.

可能咁樣做係會暴力D, 但我覺得做人一定要有 stand point, 而且當遇到不合理事情既時候, 最緊要 verify 對方係咪外星人, 一旦確認就一定要令自己得到公平既對待!

之後我得到既待遇, 係全程不停有人為我地倒水, 飲咖啡同佢講佢會沖埋俾你. 服務好到加零一.

咦? 又係我寫字樓部 Royal Cappacinno 喎!

咁沖出黎又有無分別呢? 梗係有啦! 差到爆炸!

咁我咪出去攪佢部機咯, 佢問我做乜? 我話: "你D咖啡好難飲呀!"

跟住無人再敢出聲了. 我自己沖左一杯, 都係咁, 即係咖啡豆同磨豆都有D問題. 佢 8g 仲 100cc 水, 梗係有問題啦! Magic formula 係 10g 沖 160cc. 但我有時候 10g 沖 220cc 既, 如果係用濃既豆例如 Espresso 就可以做到, 如果用 blue mountain number 1, 梗係唔得啦!

好了, 不開心既講完, 跟住我地若無奇事食早餐, 沙律吧, 都可以既, 水果都有, 少量雜肉:

煎蛋有專人幫你, 都算係咁, 個炒蛋唔錯:

煙肉就太乾了, 我都無食:

腸仔火腿都係果D啦, 較為別緻既係隔離既粟米, 都可以入口:

熱食方面, 有炒麵, 炒菜, 都OK既:

再有粥, 飽, 都算係咁了, 好多野食, 味道唔會差, 但亦唔會好:

食食下, 仲見到門外有人做 briefing, 原來係對面同集團既 SPA 既員工.

對面間 SPA 我地早一日去左, 環境一流, 絕對可以一去再去, 只係在門口發生左一件不愉快既事, 我遲兩日先講, 大家又係可以避免既, 只係佢地新開唔識做生意啫.

(待續)

關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?