早兩日已經行去皇室堡，諗住睇下呢部 Macbook Air 出左未，因為美國二月十四號已經出貨，而香港則仲未有。

直到今日，無意之中經過尖沙咀柏麗大道，有一間電腦公司已經有 sample 睇，我當堂打左個突，因為無諗過會係尖沙咀睇到。

再睇清楚，原來仲未有貨，而家落訂大概要三個星期左右，價錢則係一萬四千多元，非常合理。

看到真身後真的愛不釋手，1.3kg，輕中之輕，薄中之薄，我係果度玩左四十五分鐘！新既 Leopard 都好好用，只係要克服中文打字呢個問題而已，因為佢既中文打字超級唔方便，我完全打唔到！

個 Sales 好好人，同我一齊玩，又耐著性子解釋給我聽。真的給這部機嚇怕，因為佢真係薄到無命！

佢部機同時裝左 VM Ware，可以在 Macbook Air 裏同時運行 Windows，非常順暢，而這套軟件只是五百元而已，便宜得很！

雖然我現時 macbook 用 bootcamp 也完全沒有問題，而且是免費，但 VM Ware 可以令我即時轉去用 Mac，這樣我就可以有多些機會玩 Leopard 了。

佢得一個 USB 頭，做得好好，不過一個頭應該唔夠用。

佢亦有外置 DVD Rom，另加八百元，但我覺得玩呢部機係玩佢既輕便，週邊設備都係可免則免了。

有興趣你都不妨去睇下，我諗遲Ｄ旺電，灣仔電腦城同埋皇室堡都應該有了，我而家在慎重考慮買部送俾龍嫂呢，哈哈！