網上交友，真是讓人又愛又恨；愛的是你可以馬上有大量機會去結識男生；恨的是甚麼人也有，你必然要小心辨別。

今次的來信，是一位網友分享，她想分享 Whatsapp 技巧，以及在開始時如何快速確認對方是否值得交往的人。

網友分享

龍師傅你好, 新年快樂,  昨日聽了你情到龍匙的WHATAPPS技巧, 我亦都想講下我在網上識人的WHATAPPS技巧, 我在網上識人已經有幾年, 因為傾得多些, 會容易辨別那些搵食男。

（龍師傅註：很好，透過網友分享，大家又可以長知識。）

通常我都會講一些野, 試探下對方其實想點, 因為我不想到最尾先發現原來是來搵食的, 浪費時間；有些搵SP搵食的還好, 他們會明賣明買的講明是想SEX方面的事。

（龍師傅註：如果是找 SP，擺明車馬，那簡單得多；最怕是那些開始時你覺得他很有心，又有手段，又說很認真之類。）

但有些就不然, 例如最近我傾了2個男仔, 一個明顯真的搵女朋友, 好清晰的, 會問一些關於我工作, 生活既野, 佢自己亦會問我是否SINGLE, 佢講會講佢想識女朋友，但此位男仔,樣貌比較醜。

（龍師傅註：對，如果對方認真，他必然會肯花時間了解自己，他真的會去了解你的性格，喜好，再去估計是否適合自己才會和你發展；這類男生最好。）

但另一個, 我見佢講自己條件非常不錯, 40歲 相片的樣貌是會令人接受那種, 做生意的, 但以前係做psychologist, 在英美都讀過書, 我問佢點解吾做佢話因為做生意比較靈活同free, 可以搵更多錢。

（龍師傅註：這些就要小心。開始時很吸引的 profile，到最後真的會讓你失望的。

另外一樣，做生意等於甚麼你知道嗎？

男人沒有工作，不會說自己沒有工作的，因為這樣結識女生的機會是零。

他們都會說自己做生意。

做生意，其實很大程度都是沒有工作。

這種男生最不值得交往，因為你不知道將來和他發展會如何。

如果對方說做生意，那你必然要問他做甚麼生意。

如果是 home office，說得不清不楚，必然不能結交。）

佢話做韓國化妝品生意，平時生活喜歡游水, 睇戲, 整野食。

（龍師傅註：這些就是很空泛了。）

我得出一個感覺, 佢表面上咁有條件, 仲已經40歲, 其實真係吾多洗係網上搵gf, 要搵應該已經搵左…我覺得吾係好正常。

我只不過同佢傾左兩日, 當日星期日中午我再同佢傾, 傾得很正常自然, 我仲問佢今日有咩搞, 佢話整野食, 整蛋糕, 因為佢爸爸生日, 我祝福完佢dad之後, 我見傾得好好地, 我就問佢一句, “點解上網識人”, 如果佢唔答一定有d問題。

果然佢真係冇再答我, 我刻hi了他2日, 都冇再覆我。

因為根據我以往經驗, 問呢句, 基本上無論真定假, d人都會覆我, 但呢個即刻吾覆, 我認對方可能搵食, 亦都可能性格有問題, 吾like我咁問。

（龍師傅註：其實我不覺得有甚麼問題。為甚麼在網上識人，說自己在日常社交圈子認識不到女生就可以了；換個角度來看，你也不正是在網上識人嗎？所以其實是沒有問題的。

但如果是搵食，就大有機會坦白去說，說自己其實是在網上搵食。

又或者說個大話，說自己想找認真的感情之類，那就開始要暪騙對方。

所以自己要小心一點，問這條問題，我不覺有問題的。）

不知龍師傅意見如何, 我的做法是否合當? 我希望師傅能夠抽中我解答, 當然公開都冇問題啦

在此再次祝你身體健康, 生活愉快, 生意興隆。

（龍師傅註：如果對方是認真，那他必然可以很大方說在日常社交圈子認識不到女生，我覺得可以的。

問這條問題，某程度上也可以了解對方是否認真；當然，如果對方有心暪騙自己那又是另一回事了。

網上交友，真的千奇百怪；那些自己在家整蛋糕給爸爸之類的說話，聽過就算了。）