【真實個案】如何由拍拖去到結婚

每次最開心的,就是分享成功個案,今次網友來信,我很開心。

網友為我們分享她的真實成功個案,她來信多謝我,在拍拖的過程之中不停想著我的話,照著去做,結果成功結婚了。

我常說,要看感情文章,要看真正幫助到你的,一定要看我的文章,為甚麼?

因為我的文章,個案,全部都是真實的;唯有真實的成功個案,才能充份證明我的理論可行。

這總比自己不停在深夜亂找感性文章自我感覺良好好得多了。那些垃圾文章,全部都是那些自己感情也差到不堪,甚至乎沒有拍過拖的人自我幻想出來的情節,你只管相信沒有在現實發生的情節,會成功嗎?當然不會。

唯有看真實的個案,看看那些真正的網友,如何真正的經歷了事情,才會讓你的感情運得到實質的幫助。

當然,我的愛情五十天條課程,當中就說了男女關係之中的五十條天條,是女方一定要遵守的,而且不會錯的,大家也可以了解。

網友來信

​龍師傅你好,你都知我追咗你個blog一段長時間,中間亦都發生咗好多事,我想同你講個好消息,我男朋友同我求咗婚啦!

(龍師傅註:有好消息當然要和我分享!我先謝謝你主動來信告知,也可以讓大家知道你的想法,心路歷程,從中學習,如何可以在男女關係之中好好相處。)


我同佢係交友Apps都識,我比佢大一年,經濟平平,我哋人工都係差唔多的。


一開始我哋都只係抱住識多啲人嘅態度,當然我再跟師傅所講嘅咁去避開啲黑心男搵食男,然後就識咗而家呢個男朋友。


其實我同佢第一次見面已經係有身體接觸,拖同錫都有(因為我覺得大家都係成年人,我自己個心都有打定底,「如果佢真係搵食男嘅話,當自己都叫開心過就算啦」嘅心態同佢開始),當晚(12/24)佢就有向我表白,問我可唔可以做佢女朋友,我就應承咗,咁我哋就開始咗啦。

(龍師傅註:發展得太快了,不過大家都是成年人,如果想法夠成熟,又有足夠心理準備,也無可厚非,但當中就有點博彩成份在內了。)


其實我一開始都怕佢係搵食男,因為我哋開始咗一星期就發生咗關係,所以我又打定輸數,佢食完就走人,都係果句,大家都係成年人,如果係真,咪當開心完就算啦。

(龍師傅註:對,就是這樣。)


點知佢第二日就介紹我俾佢爸媽識,佢爸媽仲好熱情咁招呼我,又一齊係屋但食飯,雖然唔係我煮,但我都帶主動幫手洗碗的。

(龍師傅註:這裏大家要留意一下,如果有提及,甚至乎會帶自己去見父母的,當然可靠度會高一些;最少搵食男為了分手的麻煩,就不會帶自己入自己的圈子之中,這包括家人,朋友,同事。

我剛有另一女客人做感情咨詢,她和男朋友叫做拍拖半年(甚麼是「叫做」大家自己想),但男朋友從來沒有提及過自己家人,朋友,同事,更不用說帶去見面了。

是認真嗎?當然是不認真的,但我的客人想得很認真,也不覺得這個男的是在玩弄感情。

其實是否玩弄感情,並不是由你說的,也不是由我說的,而是由事實來說的。

​有時候,如果心裹面有想法不明白,想不通,不妨用紙筆清楚記下來,不過寫的就只寫事實;如果寫不出來,就很大程度男方只是說說罷了。)


當然我都無投入所有感情係呢段關係,好似好冷血咁,但其實我覺得,人生唔係只得戀愛的:


1. 我要放時間係自己屋企
2. 工作要放心力
3. 朋友需要維繫的
4. 要有興趣,我仲要唔只一樣,佢有時會陪我,亦都有時要自己去玩下

(龍師傅註:對,完全是我平日和大家分享的,一定要有 balance of life,愛情最多只佔三成,這樣萬一失去的話,自己也不會太傷。

我有客人,100% 做了男方的依附物,沒有對方不能生存,甚至乎因為拍拖而沒有了家人,朋友,整天都望著電話等對方來電,我覺得很危險。

另一方面,男人也不願意看到自己的伴侶只依附著自己而沒有了自己,請留意。)


因為佢都要有啲時間,就算係打下機都好,女人一定要有自己嘅嘢去做!一定要!


我同佢都有空間,我哋會傾計,但我唔會成日搵佢,因為我自己都好忙, 陪下媽媽、約下朋友食飯、有時自己去行下、Hea下、同自己傾下計咁。


中間有經歷我爸爸同嫲嫲嘅離開,佢都好主動咁陪我。

雖然一開始佢唔識點安慰我,但我都有用下啲說話,例如:(望住佢打開雙手)我好想叉下電呀(其實要佢攬下我)等佢知道佢可以點樣去俾到心靈嘅力量我,到而家都啱用,因為咁樣可以令佢潛意識知道我需要啲咩。

(龍師傅註:這些也是好方法,如果對方接受到,就可以讓對方不停記著自己;當然,如果對方不喜歡這些,做了就會讓對方覺得討厭,這點要留意。)


中間都有因為政治嘅事情有打算分手,係因為「發夢」完佢完全無搵我,只係whatsapp咗我一句,所以我好想分手。

(龍師傅註:對,最近比較特別,因為政治問題太嚴重,所以讓很多人都嚴重撕裂,這包括家人,朋友,同事,情侶。

我有很多客人因為政治理念和對方不同,又或者對方太過偏激而分手;最近發生這些事情,絕不為奇。

這也沒有辦法,完全是運氣所使然。)

可能一開始佢無留意到果陣嘅嚴重性,所以之後我提出咗我唔係要佢陪我去「發夢」而係俾我知道我十分需要佢嘅關心,之後嘅時間,佢陪到我就會陪,陪唔到我就一定要我報到同埋不斷打電話俾我確保我嘅安全。


到而家去到11月中,一向怕醜同木獨嘅佢,主動搵我嘅朋友去俾驚喜我向我求婚。

而我都好希望可以同佢一直行落去,當然啦,最重要嘅問題(婚禮)仲未開始處理。

(龍師傅註:這就好,不過同時你也要留意自己的政治取向,你有甚麼政治取向是沒有問題的,但要留意自己的身體語言,說話,要不停留意對方的反應。

我就有客人因為政治太熱血,嫌對方不夠自己熱血而最後談不來,要萬分留意。)


但因為我哋又無打算生小朋友,住屋又成一個大問題(只係週末先可以去到佢度瞓。因為佢住得好遠-南區,我返工-馬鞍山,係好唔方便)。

(龍師傅註:這就去到現實問題了,這些都要之後再計劃的。)


不過,佢媽媽係啲大時大節會問下我哋幾時結婚。

(龍師傅註:對方母親絕對是你男朋友想和你結婚的重要誘因,如果男方孝順父母,必然會被母親不停地煩著他,而最後決定和你結婚,這是好事。)


對我黎講有咁多原因可以唔結婚,亦都無咩誘因需要結婚,但佢都決定同我求婚,話要好好咁錫我,要俾個名分我。
令我覺得好感動,好想跟師傳你分享一下!

(龍師傅註:好的,確實讓人感動,不過我看到對方母親有加把咀,情況就會大有不同。)

最重要嘅係要多謝師傅!


因為當我好嬲嘅時候,師傅嘅說話會係我腦海中浮咗出黎,令到我唔好將啲傷人說話講出口,要用啲方法令佢知道我嘅感受。

因為亂世而想捉緊對方嘅手,我感覺到我哋係真係好愛對方。

(龍師傅註:那就好,不做負面影像未必會讓男方想和你結婚,但最少不扣分,關係持續,就有機會。)

我記得師傅有講過,興趣係維繫關係嘅其中一個方法。


當初係行山、露營。


到最近,佢因為我鐘意飲咖啡,有買掛耳式果啲手沖咖啡,佢開始果陣會幫我沖,沖沖下佢有試下飲(佢本身係唔飲的),沖沖下試試下,佢仲走咗去上堂學沖咖啡添,上堂果陣老師問佢點解會黎學,佢話要沖俾女朋友飲,係真定假都好,我都覺得好開心好感動。

(龍師傅註:這就是兩個人一起持久的其中一個原因:你可以影響到他,而他又覺得自己改變了,好了,而這些都是因為你的關係,很成功!)

因為我係睇咗師傳嘅文章同睇咗你嘅live,點樣分辨黑心男同搵食男,所以決定試下用交友apps識人,帶眼之外仲要帶埋個心去識人,真係好多謝師傅!

(龍師傅註:那就好,多謝你的來信,最重要是不停看我的文章,不停將正確的知識灌入腦,不停提醒自己,然後為自己加分及加强吸引力,機會一來就成功!

大家也要以這個個案為參考,每個人都有九成機會談好感情,找到自己愛的人,關鍵在於有沒有正確的方法,以及有沒有徹底執行!

再提一次,我的「愛情五十天條」就有大量實用而且實際的男女關係技巧供大家學習,一定不能錯過。)


​女神王姬「讓你幸福的十個理由」免費課程現可參加及免費下載!

​要找到幸福,關鍵在於你的想法;十個想法讓你知道甚麼是幸福,如何找到愛你的人給你幸福!


「愛情五十天條」網上課程現已推出!

一次過了解所有男女感情技巧,讓你在短時間之內掌握男女感情之間一定要遵守的天條,馬上改變自己的感情運,找到姻緣,增强桃花!


​龍震天鼠年生肖運程正式推出,各生肖運程鼠年運勢免費看,再加上流年風水,大門地氈顏色,犯太歲生肖,桃花生肖,讓你在鼠年趨吉避凶行好運!


是否還未找到好姻緣?感情路上遇到問題?工作是否一直沒有突破?

其實未必是運不好,而是你不清楚問題的解決方法而已;方法不通,任你有多大努力都沒有用處。

龍震天有以下一對一咨詢服務,可以幫助你突破現時困境,找到出路:

  • 感情咨詢
  • ​一生運程詳批
  • 工作咨詢
  • 陽宅風水
  • 改名
  • 婚嫁擇日,搬遷擇日
  • 擇日剖腹生子

了解服務詳情可以按以下連結:


Facebook : http://facebook.com/lungchuntin1
Youtube: http://youtube.com/lungchuntin
Instagram: http://instagram.com/lungchuntin
電郵:info@masters.com.hk
查詢電話:82040102


五天讓你看穿男人心,完全免費!

只用五天時間,讓你了解男女感情操作法則,了解兩性心理學,男人永遠不會告訴你又或者他自己也不知道的秘密,讓你掌握男女關係,突破感情,增强桃花,找到姻緣,讓你愛的男人從此離不開你!

趕快免費登記來參加這個原價 HKD2,680 的網上課程!

>