21 12 月, 2008

大家每天都會收到不同的電話騷擾, 龍師傅一直想想了不少方法去對付, 自己也有一套心得;剛巧又有好朋友提供了六個方法,甚有參巧價值,也笑死我,不妨和大家分享一下。

————————-

Case1

「喂﹖」
「你好先生,我叫xxx,是Sxxday打來,先生你是否9xxx-xxxx的機主﹖」
「係,想點﹖」
「無,我想同你介紹一個最新的優惠計劃,月費加$30就可以發一百個短訊,你有沒有興趣join﹖」
「哦,對不起,沒有。」
「為什麼呀﹖才三毛錢一個,比你現在的便宜很多呢。」
「對不起,真的不需要。」
「真的是個好優惠,能給你省錢呢,為什麼不要呀﹖」
「為什麼﹖因為我有錢。」
「…」三秒後電話掛斷。(到現在依然為一句「我有錢」而感到興奮)

Case2

「喂﹖」「你好先生,我叫xxx,是Sxxrtone打來,先生你是否9xxx-xxxx的機主﹖」
「唔係。」
「…」呆左3秒「咁請問你係咪長期使用9xxx-xxxx呢﹖」
「唔係。」(講大話)
「…」又呆3秒「咁好丫,唔該晒。」

Case3

BuffetClub打來,賣咩10幾間酒店食餐membership
「你好先生,我地有BuffetClub個promotion,以后你去酒店食飯,係member,全部半價…」
「我唔出街食飯的。」
「唔係喎,如果你同朋友去食飯,用一次依個service,已經底返。」
「我沒有朋友的。」
「…」deadair左一陣「哦,咁好呀,唔該你。」

Case4

「喂﹖」
「先生你好,我叫xxx,係abc(某推銷公司)打來,先生請問你係咪9xxx-xxxx既機主﹖」
「係。」
「我想同你介紹一個最新的優惠計劃,唔駛錢就可以享用某某優惠三個月,你有
冇興趣參加﹖」
「哦﹖對唔住,冇。」
「唔係喎,唔駛錢喎,點解唔要﹖」
「對唔住,我真係冇需要。」
「真係唔駛錢喎,不如你試下先丫。」
「唔駛錢我就要用,你當我乞衣呀﹖」
「…」電話即時掛斷。

Case5

「你好,我叫xxx,係XYZ(某推銷公司)打來,先生請問你係咪9xxx-xxxx既機主﹖」
「Sorry,我向大陸。」
「哦,唔好意思,咁我遲d再打過黎丫,先生你通常幾時向香港﹖」
「Sorry,我呢世都向大陸。」
「…」電話掛斷。

Case6

「喂﹖」
「你好先生,我叫xxx,是Sxxday打來,先生你是否9xxx-xxxx的機主﹖」
「係,點﹖」
「無,我想同你介紹一個最新的優惠計劃,月費加$30就可以發一百個短訊,你有沒有興趣join﹖」
「哦,對不起,我而加唔得閒,不如你俾你手提電話號碼我,我遲d打翻俾你啦。」
「喔,對不起,我地唔可以咁做。」
「你都唔鍾意d人亂打電話俾你吧﹖」
「喔,係,喔。」
「咁你明我意思啦。」(收線)

—————————-

(龍師傅後記:以上六個方法,一定有一款合你心意,不妨記住,很快你就會用得著。

至於龍師傅的心得,就是來一個電話,就將電話號碼列入黑名單一次;久而久之,你就會看到很多推銷電話來電顯示,你可以不聽。

如真的不好彩,聽了,甚麼也不用說,連 "我好忙","不用了",都不需說,就此收線。再馬上在 phone book 上列入黑名單。

列入黑名單,你可以用 "Rubbish" 做開頭,例如 "Rubbish 3","Rubbish New World"等等,一看到 Rubbish,就聽也不用聽,由得它,通常不會立即打第二次電話給你。)

​關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


​原價 HKD2,680,現時 ​免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?