今日講下呢間尖沙咀 "昌與醇酒坊" 既風水:
![](../images/JMvuGSTJrH0PR._tzGCc.A.jpg)
點解要講佢, 因為我想講下食正條水既舖頭風水.
昌興係賣酒既. 剛巧醒起早前有客人找過我, 說想開一間酒舖, 想做網上, 又或者做地下舖. 網上我勸佢唔駛做, 生意唔落本, 除非好似我呢行呢, 只係 sell 服務, 如果唔係, 只係想在網上攪, 又唔落本, 以為咁樣可以好慳, 一定無得做.
好簡單, 當你知道香港既拍賣 top seller 一日做十三個鐘, 扣除成本, 都只係賺得果兩萬蚊, 我真係諗唔到係點做.
所以一定要租舖, 但我客人講, 如果在佐敦租間舖, 入貨, 要二百萬本錢, 成本大, 所以一定要睇風水, 揀好舖!
![](../images/fF77aCFrv6sVcy2.feUg7w.jpg)
這間酒舖的風水, 非常之好, 我想講三樣野, 第一, 佢食正條水, 因為係一個三岔路口, 全部氣都入哂, 正係要乜有乜!
![](../images/1Vle39az4rhBNKLI2gd_Lg.jpg)
車水馬龍, 大旺, 但係租一定貴到飛起, 咁自己又要平衡下了, 睇下賣乜貨同埋利錢重唔重, 以我所知, 酒係利錢重既, 但唔奇怪, 因為酒呢行係好複雜既, 我客人同我講, 我仲回味緊.
從後看去, 佢呢個舖位隔離就係 7-11, 正係 "舖頭隔離有七仔, 呢間舖頭實有計"!
點解呢? 好簡單, 7-11 係帶旺人流既, 總好過乜都無, 直頭無人行; 不過呢間舖位處尖沙咀心臟地帶, 都唔駛靠七仔帶旺了!
![](../images/V826kNS99q5TS91QLpGPCw.jpg)
不過要留意, 因為在三岔路口, 好多車行, 而且亦有煞氣, 迎頭有急促氣流, 但無有怕. 點解? 呢個就係呢間風水舖既精妙之處, 亦係我講既第三樣野, 睇下門口有乜:
![](../images/PfklnIJWpJEkKgLAFORH6Q.jpg)
係一個報紙檔, 就係咁, 急促既氣流俾呢個報紙檔擋哂, perfect!
再睇下圖你會更清楚:
![](../images/CqXUnxj2P2_VbreVKBhYWw.jpg)
順帶一提, 看車流方向, 係環抱水, 對間舖有利.
但我又要提一點, 就係如果將來無左間報紙檔的話, 呢間舖就會煞氣太重.