新田米埔村風水之一

今天介紹大家去看一間位於新界的村屋 — 米埔村!

米埔, 印象中只係旅行先至去得到, 原來那裏一樣有屋, 一樣有人租.

這裏的好處是租超平, 而且租 house, 仲要三層, 每層五百呎, 天台五百呎, 仲有天井, 門外又有一大片地方, 我想在新界才有機會租這些 "俾你玩哂" 的屋.

戶主是做生意之人, 甚信風水, 所以我看得很放心, 因為有甚麼問題, 叫他們改, 他們都會聽我說話的.

最怕是一些客人, 叫我去為他們看風水後, 只是稍為改動一下椅子, 他們都不想, 那怎樣會有好風水呀?

當然, 風水最好是甚麼都不用改, 但現時樓宇多是已起成才看風水, 總有些格局難以盡如人意, 所以有時候都會有些少改動的.

去到之後非常開心, 因為地方大, 而且也有一大片草地, 面積又大, 我最喜歡看這些地方; 因為如果山到水到, 格局又合的話, 要發是可以很快的.

這間屋子有點特別, 因為業主是一個老人家, 而這間屋也起了二十多年了, 打從建成開始, 就甚麼都沒有改動過, 原汁原味, 我覺得去了 GOD; 如果將這裏的東西放在 GOD 賣, 我想可以賣到五十萬!

甫進大門, 我已經感受到 "古色古香, 原汁原味"!

馬上用羅庚排星, 得出乙山辛向, 是為雙星到向, 格局不錯, 最緊要避免兩個 2,5 位及發揮兩個 1,6 位就可以. 當然, 最好開兌門, 雙8星到, 更好!

內裏佈置很值得記下來, 最近數年已很少看到這樣的裝修了:

門外的天井, 真的很有風味, 如果上環有間咁既屋, 我一定租番一年黎玩下:

不過上環租金就當然貴很多了.

廚房特大, 我想現時的單位也沒有這麼大的廚房了.

洗手間, 也是古色古香:

天井外還有一個地方, 可以望到一望無際的草原.

 

露台更厲害, 可以望到蛇口, 可以行過去蛇口飲茶!

樓梯也是古色古香:

牆身也很有特色. 走廊盡頭見到水位, 為二五位, 所以要放銅錢.

其實如可以改水位更好, 不過太麻煩了, 就盡量少開吧!

呢種階磚, 睇到都覺得懷念:

(未完, 待續)

  • 小友表示:

    No.1
    [版主回覆06/07/2008 16:25:00]小友, 恭喜你做左 number 1 啦!

  • 乖乖女表示:

    如果唔係村屋,香港很難有這種房子!0000000000000000000
    [版主回覆06/07/2008 23:30:00]Annabelle, 在香港真的很難找!

  • Leader表示:

    真的幾 attractive!  但突然間想起治安和買日常用品的問題! 間屋整得靚會唔會引人來打劫 ga? 不過 anyway, 可以用幾錢買或租呢!
    [版主回覆06/07/2008 23:31:00]據業主所講, 村內的治安甚佳, 很少有打劫情況出現, 而村民多是住了數十年了, 如有陌生人入村, 一眼就可以望到; 再加上有幾隻無上鎖既狼狗, 我諗佢地都係訓練有素的!

  • mic表示:

    端午節快樂呀~師傅~今日有邊到去呀???
    [版主回覆06/08/2008 01:44:00]迷迷, 多謝你咁有心既祝福! 身在它方仍然記得我, 記得端午節!
    我今日都無乜邊度去了, 香港好慘, 今朝落黑雨, 交通大有問題, 我整天都是在寫字樓寫書, 晚上才和朋友晚飯輕鬆一下, 現在還未睡, 但明天又要一早起床趕太陽報的紫微斗數信箱了, 又要繼續趕書呢!

  • CalCalvin表示:

    真的很特別呀. 但我住慣市區, 若住在如此古色古鄉的地方, 晚上真得會感覺不安
    [版主回覆06/08/2008 23:13:00]每個人的習慣都是不同的, 所以要看你是否喜歡這一類型的屋子了, 但地方真的很大, 而且很靜, 環境也是一流!

  • 巧兒表示:

    好親切呀! 我對上住果間村屋同呢間差唔多呀, 不過就唔係三層樓, 只係住地下, 但係啲style幾似, 以前啲村屋好多都係鋪磁磚做牆, 我家陣間屋都係呀, 所以我比較鍾意住舊式村屋, 因為廚房大, 係我o既至愛, 但係我都知我間屋最弊係乜, 就係大門口係對住一條向下o既樓梯, 呢樣係令我最頭痛o既, 因為財來財去嘛!
    [版主回覆11/19/2008 01:15:00]Bibi, 原來是這樣的問題, 確要睇位及睇財運, 所以真的要實地堪察了!

  • >