(龍嫂著)

一覺醒來，已經是第二天的早上八時多，因為我地 book 房的時候是連埋早餐的，Keio Plaza 有一樣好處，就是食早餐都有四間餐廳比你揀，兩間和食，兩間西式，其實早餐都不外乎都是那些腸仔蛋，值得一提的是個炒蛋，我估佢應該用左些牛奶炒，幾特別同幾好味，尤其用黎夾麵包，簡直是 perfect!

咖啡及茶任飲就是必定的了，但難得杯咖啡都有番咁上下質素，龍師傅當堂醒晒啦！

你地估下呢杯乜野黎？

食飽飽梗係出發行街街啦，我睇書其實日本有好多間　ｏｕｔｌｅｔ　的，我就揀左間比較有規模同埋較容易去的Ｓａｎｏ　Ｐｒｅｍｉｕｍ　Ｏｕｔｌｅｔ，只要揾到個巴士站，就一程就可以到，唔使轉黎轉去咁麻煩，個車站其實是在新宿高島屋 Uniqlo 隔離，因為我地住個間酒店唔近高島屋，所以去高島屋都花了唔少時間，我地又再同一時間咒罵呢間　Ｋｅｉｏ　Ｐｌａｚａ　Ｈｏｔｅｌ，　一　Ｄ　都唔方便。唉！。。。。。

幾經辛苦，終於搵到個車站。之前上網　ｃｈｅｃｋ　左個時間表，知道早上十一時有班車，要趕住搭車，趕到我地死咁滯。

係個車站入面，我地發現左有個咖啡機，一入錢就有音樂傳出，有得揀大杯　
３００ＣＣ　同　２２０ＣＣ　，仲可以揀要唔要奶同埋糖，揀左你喜歡的口味之後，見到佢個瑩光幕出現左個製作過程，部機做到邊個過程，佢就會顯示出來，我地睇個時覺得部機係即時的，但事後諗諗下，可能係預先錄影左，然後跟節拍ｓｈｏｗ　出來的。大家去日本的時候，不妨試玩下，都幾過引的。

製成品！

去　Sano Premium Outlet 坐 JR 巴士唔係搭到總站落車的，到王子站會停一停先,上到車有個行程表貼出來的,我地好唔好彩遇上大塞車,但其實東京塞車都係預左的,但估唔到塞左一個鐘頭先到王子站,如果唔塞車的話,全程大約一個半鐘頭咁上下啦.

好多人都知道日本地鐵係唔比傾計,但原來巴士都係唔比傾計的,唔比打電話,所以日本一定唔會發生巴士阿叔事件 (龍師傅將以下圖示演譯為唔俾打呵欠，笑死我！）

今日塞車,所以坐左兩個幾鐘頭先到,坐到腰骨痛呀,終於都到喇,雖然呢個唔係總站,但未到站之前你都會睇到好多名店個招牌.包唔會唔識落車.

一落車就有個車站亭,可以去一下洗手間.

成個 Outlet 的設計好有歐洲風味,空氣清新兼風景怡人啊!

只要沿著車路行番出去,就會揾到入口的.

入門口第一件事就係要拎張地圖, 睇下有邊間名店想去：

折騰左咁耐,都係時候食午飯喇,近入口有幾間食肆,同埋入面都有個 food court 的,我地就揀左近門口呢間,食蕎麥麵的.

內裡的裝俢是日本一貫的簡單雅緻,地方濶落,坐得甚為舒適.

我地叫左蕎麥麵定食,有天婦羅飯同埋麵.

你唔會估到,天婦羅會咁好食,油而不膩,上桌時熱辣辣,應該是即叫即做,所以甘香鬆脆. 我平時係香港唔係太鐘意食天婦羅蝦的, 都忍唔住要讚, 真係炸得蠻好味的.

本來諗住要多一個親子飯,我地唔識睇日文,剩睇相,點知……..大家都睇到啦,我地叫錯左,黎到一睇,原來係雞肉滑蛋蕎麥麵,好彩都幾好食,但好似定食抵些囉.

埋單要 2700 yen, 都算 OK 啦!

埋單約二百蚊港紙, 都 OK 啦!

Sano Premium Outlet Website : http://www.premiumoutlets.co.jp/cht/shop/sano/index.php