3 1 月, 2009

自從寫了網誌之後,有很多人都對我的說法深有同感,也很願意分享自己的故事給大家。

今天和大家分享一個分手 case,我覺得好 typical,原文如下:

———–

龍師傅,你真係好人ar..有問必答..我都好想你能夠同我分享我心入面既屈悶..

唉,我同我男朋友分手只不過1個月多少少,佢x'mas已經同左個女仔一齊去乙南過聖誕,我真係好唔開心好失望..我同佢拍左拖6年半..由大家都係一個窮小子熬到而家出頭天,大家都畢業出黎工作..我地從來沒有分手過,因為一直以黎大家彼此都充滿信任,而家佢竟然為左一個識左冇幾奈既女人同我分手,個女人仲要紋身食煙..佢同我講因為佢地鐘意既興趣一樣..大家鐘意影相晝晝..咁我呢?我同佢一開始鐘意既野,追求既野夠一樣la..其實我知道,佢而家鐘意佢都係新鮮感而已..或者,我就係比唔到佢呢樣野..就係唯一我比唔上既..就係新鮮感……我真係唔知自己應該可以點做..佢話分手.我只可以妥協,連一小小反駁既餘地都冇..有一樣野好奇怪,分左手之後,我同佢屋企人都覺得佢神情同性格都完全180到轉變..唔知係未受個女仔影響..

———–

龍師傅的回應

在這個 case 之中,我看到有以下要點,是大部份分手男女的共通點。

1. 拍了拖一段時間,而且不短(六年半)
2. 識了另一個異性,貪新鮮
3. 新相識的異性性格和之前的大有不同(紋身,食煙)

其實我覺得,甚麼都是假的,只要對方有心飛你,就甚麼都說得出,例如興趣不合,性格不合,等等。

相識久了,火花自然欠缺,這是很自然的;最重要的,是怎樣去維持新鮮感,又或者大家做一些不同的東西,久不久也要去旅行。

如每天都固定,上班,下班,吃飯,睇電視,睡覺,那很快就會覺得很悶。

另外一樣,變了,很難再回頭;在我的意見是,人不需要回頭。例如這個 case,男朋友說分手,如女方還在想過去,甚麼都不做,只會減低自己的人緣運,而且亦會推遲了另一段感情的發生。

要有適應期是可以明白的,但就不能太久,在我來說,最多三個月已是極限;我看過有些人,分手之後三五年還在想著上一個,潛意識已幫他/她工作,就是本能抗拒結識新異性的機會,這樣對自己一定無好處。

人永遠望向前,我永遠相信,將來的一定比現在的更好;個天要你分手,其實是給你一個機會再去結識另一個。

個男仔話分手,自己應想著 "是他不懂珍惜,雙手將機會無條件送給另一人" 而不是想著 "死啦,我都搵唔到咁好既男仔了,以後點算";我常說,事情可以輸給人,但不能輸了道氣,個勢弱,那怎能反敗為勝?

我見過很多女客人都是如此。她們總是害怕,但經我解釋之後,心情平復下來,其實我有很多女客人都是很好的:樣貌又好,性格又好,怎會沒有男朋友?只是一時間不開心而已。

很多都在聽我解釋之後,馬上投入工作,自己馬上開放機會結交異性;大部份人在我的思想改變運氣之下,很快找到另一半。

你要記著,你的思想,就是你的運氣,要改變你的感情運,就要先從改變你的想法開始,極速忘記,馬上將自己的牌反轉,由 "Occupied" 變做 "Available",才是最好的做法!

關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?