來到迪士尼，玩機動遊戲是指定動作；園裏的機動遊戲其實並不多，如果當天唔係太多人的話，一日都玩得哂。

先說史迪仔，我個人認為是最奇怪的一個遊戲。

佢係有分唔同語言既，強烈，強烈提議你玩廣東話，因為我見到有Ｄ人無乜所謂，玩國語，英文都有，但唔係咁好玩囉！

玩史迪仔未開始前既畫面：

佢有乜玩呢？好奇怪，一開始左之後，銀幕上會出現左一個卡通片既史迪仔，但佢可以同你互動，講好多野，咀型都夾埋，我真係唔知佢點做。

我第二日再玩多次，期望可以看到佢係點運作既，但係我睇唔到。

另一個係咖啡杯，超低能，但我一上到去，即刻番左去以前既荔園；我既感覺，唔單只係咖啡杯咁簡單，仲會記得以前入荔園既開心情況，點樣擲香口膠；更重要的，是我可以感覺到已去世的親人在我身邊，那種感覺很難形容，總之是很開心，覺得很細路就是了。

佢轉既幅度好大，自轉之餘仲有公轉，再加大轉，好似大陽系咁，我都唔知佢點解唔會撞，總之就轉到你暈！

咖啡杯係執死雞位，唔駛特登排，因為你去樂園，來來去去都會經過的，總有些時候，例如巡遊，做音樂劇時會勁少人排隊，這時你就可以連續玩三，四次都無人和你爭了　－　如果你鐘意的話。

小熊維尼是另一個必玩既遊戲，都係勁低能，但功多人排：

我地就係坐呢Ｄ車入去：

佢會帶你行一個圈，有Ｄ公仔好可愛咁，都值得玩一次既。

一定要拿 fastpass，唔係最少排一個鐘。

另一個必去既地方，係米奇頒獎禮：

呢個係全樂園唯一一個有3D動畫既地方。佢做既 3D 好立體，D 公仔真係好似係你面前經過咁，音樂超好聽；仲有風，氣味，水，效果真係一流！

再來就係巴斯光年了：

佢係要坐一架飛船入去既，你可以控制架飛船自轉，然後不停有Ｄ怪獸出現，你就用支死光槍射佢：

佢會計分，出到黎你會睇到分數，但好難拿到好高分。