今天和大家分享網友P小姐的故事。
P小姐的分享
上星期, 我和妹妹去游船河. 男友在回程時. 交完停車場錢後. 把找回的$5, 拋在我地大腿 (本來, 我不會生氣. 但因為我好要面. 妹妹當時又坐在車上, 我因為咁而好生氣)
但結果我都無在車上發脾氣, 及後回到家中, 男友繼續發脾氣. (唔出聲. 同埋好大聲咁喝我地隻狗 – which 他從來無咁做過) 我忍唔住.對他質問, 他無意間講左一句:當我呀４吖？！
我真的不思不得奇解。我對他吼叫．然後數左好多，我平時點忍佢．遷就佢的事情（佢本身個人EQ好低，簡單如一熱就黑晒面咁），然後我地冷戰左５日。
到第６日（sat），我再開口問佢，原來佢話妹妹玩完之後．完全不負責任地，唔去處理嗰２個水泡及那一件我問朋友借比妹妹狗仔的救生衣（佢係覺得妹妹當我和男友係呀４）
於是我就話佢，明明游船河嗰日有唔開心，又唔出聲．係都要搞到咁 （我真係唔知佢嬲我個妹唔放水泡既氣）
結果，就冷戰了１星期，幾唔抵呢！！！
我想講幾様野．男人（有事業）係咪一定唔會認低威？今次佢用嗰５蚊拋在我身，擺明係唔啱．但都唔會主動say sorry, 仲係每晚放工call我, 問我食左飯未, 就當自己"有做野" ; 但女人係要聽佢解釋和氹, 甚至settle番件事. 佢就好似唔想去再講起咁。
（龍師傅註：男人有事業，當然會惡，因為在感情世界之中，誰有錢，誰靠誰，誰就可以惡；這是遊戲規則。當然你可能不同意，但這是事實。
另外，這個男人惡，我覺得未必和事業有關係，而是自已的品格及脾氣；我想到我自已，我平日甚少發脾氣，有不開心的時候，也只是木無表情；因為我太注重等價交換了，也重邏輯；如惡，一定有甚目的，沒有目的，我就不會惡。）
其實,我本身脾氣都唔好。(有無方法令自己好失控既時候, 可以control番自己架)？
（龍師傅註：知道自已脾氣不好，就有機會可以改，這個也是好事；控制脾氣，也是自已個人的修行，當你撞板撞得多時，你自然會控制；人大了，也會控制。
我教你：當你想發脾氣的時候，想方法令自已離開現場，冷靜一下，事情淡了，脾氣自然不會再發作。）
同埋. 龍師傳. 我自己有一番感覺. 其實唔係咁好. 我同男友一齊5年, 同居4年. 話短唔短. 但每次都有吵架, 都一定有「想走」既想法.
（龍師傅註：有此想法，已代表感情已變質。）
even平時好地地. 我都會覺得唔係咁夾. 佢………..太唔細心/ 溫柔/ 體貼了.
有人話: 你男友都好好啦, 顧家/ 養家/ 痴家, 但我想要的是細心,溫柔呢.
亦有人話我公主, 成日都仲好想另一半好似熱戀階段咁去疼錫自己, 但係呢. 其實係無可能咁話喎.
（龍師傅註：他的性格，你不能說他錯，只要他遇著那些著重實際的女人，就會相處愉快；也只能說出一個事實，你們兩個的性格根本不合，你也要留意自已是否有「港女」及「公主病」的情況，如有，神仙也難救。）
他, 從來也不會因為想熄事寧人而道歉.
他, 很強. 自尊心很重, 很要面, 很自信
他, 成日強調自己係針對事, 唔係針對人.
我… 只係一個好嗲, 好想有人氹/ 愛錫/ 關懷/ 呵護的女小人而已.
[佢係錫我. 但佢唔會做出面呢]
（龍師傅註：還是那句，每個人的要求都會不同，正所謂各取所需，等價交換；你要客觀地看對方是否適合你，例如對方不會哄你，你是否能夠接受，如果能夠，你就要改變自已；如果不能夠，那和他一起，你也會不開心。）
今次冷戰, 令我深深體會, 原來, 即使係佢錯, 佢都唔會認低威, 都唔會低聲下聲. (初初冷戰朋友教我: 比d顏色佢睇. 妳要做到同平時唔同, 一於唔好理佢, 直至佢主動求和) 但結果, 佢只係借d2, 問下我野, 就覺得「咪問左妳野囉，咁妳唔係好理我，我都唔知可以講乜。」
大家心平氣和講番件事, 佢仲好笑, 同我講
: 妳咪教我囉. 咁我真係唔細心, 妳想我點, 妳開口, 我一定會去做架 (如果佢唔愛我, 以佢d性格. 佢理得我. 但佢真係開聲, 叫我提佢, 佢應該點做. 咁我可以點呢)
（龍師傅註：有些男人不擅於哄人，你只能夠想想在這個情況之下你是否還能夠接接受。）
我真係服左佢
其實係非常明白 – 唔啱就要分手既道理.
但我想你明白我哩d中女，我仲要係一個中5學歷, 無事業, 無乜個人興趣, 仲要加上我係嗰種"愛織夢"的白痴女仔 (成日最想要西片嗰d男主角咁 – 又大隻, 又浪漫, 仲要臨時都要講句" i love you" 既嗰type男人)
（龍師傅註：其實你已經說出了問題，你有條件，自然可以等價交換到好貨，你所能夠做的，就是將自已條件提升；但過去甚麼都沒有付出，也只能夠沒有收獲。
我未見過你，我不知道你條件如何，但你自已一定要想等價交換的道理；學歷不是最重要的，反而我覺得，善解人意，溫柔及照顧才是大前提；外表身材也重要）
honestly, 我憑乜可以識到另一個比佢更有安全感既男人呢
（龍師傅註：照邏輯來說，應該沒有，對不起，我又將話說得很白了。）
係!! 當我唔開心 (情緒影響) or 佢發神經地黑面, 我係好想走左去. 但在等價交換下, 我仍"需要"佢 (of course, 我係愛佢既, not just talking about money)
（龍師傅註：愛也要 based on money，你自已也有說，如果對方經濟不好，你已經可以決定馬上走；很多人都說錢不重要，但我一直都強調，男人經濟好重要，反而外貎沒有太大所謂，只要「不醜」就可以了；而百分之九十五的男人也歸於此類。）
** 朋友在言談間都成日串我：咁當然，妳遇到另一個，一定會走囉！！
掉番轉頭講， 如果佢係一個搵萬零蚊既男人．我唔洗你教，我一早走左！！我講分手易過食生菜，一來我既性格不太珍惜 （朋友我都可以好容易delete)
二來, 我比較重視對方既能力, 當我覺得佢無能力. 我好易頭也不回地放手
雖然係咁強調等價交換, 但我所要既生活, 並唔係周身明牌, 餐餐都要食貴野架喎. (not typical港女)
我要既生活只係: 有間屋住 (可以係租既) 我唔洗負擔洗費, 對方成日都讓我覺得自己"極度被愛"和 "極為重要”, 這便已足夠
（龍師傅註，其實以你所說，這些條件也很容易找得到，我只是在想，為何要有男人提供這些東西給你而已，所以，自已要想。
人一定要有 talking point，如你甚麼都沒有學，事業也沒有，興趣又沒有，那有甚麼男人會喜歡你呢？
所以，最好自已要有些別人感興趣的東西，那自已自然會更加容易吸引別人，令自已的優勢有所提升。）
龍師傅感想
看了P小姐的分享，我想到有些客人也會是這個情況，就是自已沒有甚麼東西和別人交換，卻在想著別人要給自已東西。
好好記著：「There is no free lunch」。如果我甚麼都不懂，又沒有玄學這個專業，事業又沒有，那我現時會有那麼多朋友及網友嗎？我想不會吧？
不，不是「不會吧」，而是「一定不會」！
我太知道自已的位置，也太明白等價交換的道理了，所以我一定會不停留意新東西，有趣的話題，也著力提升自已的優勢；這樣人緣運也一定會好，自然也會多朋友關心自已，有興趣和自已溝通。
不過，有部份人的想法是「我不想付出，但我要有收獲」。
那在沒有收獲時，也不會想想自已怎樣可以提升自已，卻在想著「等」又或者「順其自然」。
其實順其自然，大部份都是不自然的；不自然的意思是，事情永遠會在你意料之外的情況之下發生。
（思想改變運氣工作坊現已接受報名，Early Bird 有優惠！詳情請按以下連結：
http://hk.myblog.yahoo.com/master-dragon/article?mid=54813
一天課程令你一生受用！）
（你是否在命運之中感到難以適應？其實未必是命不好，只是你不知道自己的整體人生藍圖和命運軌跡而已。我常說，如果連甚麼顏色，數字，方位旺自己也不知道，那人生又怎會有運？清楚了解自己一生，一定好過盲目亂撞。與其一生猜猜度度自己的命運，倒不如清楚了解自己的命運軌跡，及知道自己現時是否跟命運軌跡有所偏差。
龍師傅設有論命及堪察陽宅風水服務，紫微斗數一生論命為港幣一千八百元，陽宅風水以建築面積計每呎九元，最低收費三千八百元，歡迎致電 82040102 預約或電郵 info@masters.com.hk 查詢詳情）
