吾好吾食1 4 月, 2008

這天行經旺角, 去了銀行中心的 "街知巷聞" 買糯米磁:

這間街知巷聞我幫趁過很多次了, 每次行經旺角我也要光顧一下, 因為他們的糯米磁實在太好味了, 款式又多.

如果你去到見到太多款, 不知道該吃那種才好, 你可以考慮看看他們的 ranking, 多人食一定係好味:

價錢為十三蚊三件, 我買九件, 阿姐問我要乜, 我叫佢幫我拿主意, 她也樂於幫我揀.

香芋係一個好好既選擇, 佢有好香既芋頭味:

另外排 number 1 既鮮芒果奶皇就梗係唔可以錯過啦!

好整齊咁排哂係度, 真係睇到都想食哂佢, 做得好香, 好腍, 好軟熟:

仲有一個係豆腐, 我都要極力推介!

臨走時, 阿姐無端端送左一件俾我, 佢真係好人, 可能佢對相學都有D研究, 覺得我係一個好人, 所以送多一件俾我呢!

開呢間店既人係好聰明, 因為佢係門口裝左六粒大射燈, 真係光到唔光, 盲既人行過都唔駛耶穌行神蹟, 立即重見光明, 睇得番哂; 咁結果係點? 梗係過去啦, 離遠都已經好搶了.

有時有D野做生意真係唔慳得, 呢幾盞射燈電費都好貴, 但做生意為左乜? 都係想人地黎, 咁裝左幾盞射燈, 無錯電費係貴D, 但係都可以吸引到多D人黎,  一定賺得番! 呢D就係做開生意同無做生意既分別了. 做生意會諗點樣吸引多D人黎, 賺多D錢; 無做開生意既人, 只係諗住想慳錢, 無錯係要慳, 但一定要慳得其法.

講開睇舖, 我都有同客人講過, 話射燈一定要裝, 仲要有咁大得咁大, 不過有D 客第一個念頭就係 "嘩! 電費好貴喎" 咁樣, 我都唔會再講落去, 只能夠祝佢好運, 因為佢地根本唔係想賺錢, 係想慳錢, 而最慳錢既做法, 就係唔好做生意, 咁樣租都慳番.

街知巷聞
地址:九龍旺角銀行中心一樓 22 號舖
必食推介:豆腐糯米磁, 香竽糯米磁
平均消費:十三元三件
分數:       (一定要去)

(分數指南:以六個太極最好,無太極最差。)

 無太極:一生不去
一個太極:被迫才去
兩個太極:免費才去
三個太極:可以一去
四個太極:一定要去
五個太極:特登都去
六個太極:一生必去

BONUS BLOG: 射燈成功的例子

剛剛講開射燈既重要性, 我想到曾經為一個客人睇舖, 已經是數年前的事情了, 可以和大家分享一下.

她們的舖位在灣仔太原街, 那區其實非常隱敝, 我記得當時對她們說: "門口一定要加射燈, 仲要有咁大得咁大, 因為做生意, 呢D支出一定唔少得, 唔係幾好風水都無用!"

我很慶幸她們有聽我講, 大家睇下呢個舖位, 數年後的今天仍然存在, 而且據了解, 生意也很好:

這個舖位是賣時裝的, 重點是門口正正有舊野頂到應, 一般人行過是望不到的.

但加了射燈呢? 情況就有不同了, 因為射燈夠光, 離遠都可以吸引到人, 咁樣對人流有著正面的幫助; 其實射燈的目的, 不是為了照明, 也不是白天夠光, 就甚麼燈都不用了. 安裝射燈的目的, 是為了吸引人, 做一個品牌, 別人注意得到, 自然會來看一下.

希望曾經聽過我講要勁開射燈而沒有聽話的客人考慮一下! 其實我講左咁多次, 都只係有一半人聽話!

關於作者

龍震天

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>