遊記21 1 月, 2008

行完美國大街,都有D肚餓,是時候吃午餐了!

我們隨便選了一間叫做 Plaza Inn 的,食中菜,飲茶,因為我喜歡!

進去之後,看過菜牌,都有很多美味的東西,我們就試一個二人套餐,點心小食飯乜都有,唔駛諗呀!平日已經常用腦了,來到迪士尼最好乜都唔諗(雖然夜晚仲有寫 blog 覆信睇電郵)!

我貪佢個套餐乜都唔駛諗之外,點心仲要每樣兩粒,剛剛好,可以試多幾樣。

今天飲茶的餐單,盛惠三百七十元,連加一,茶位(如果你唔係茶道發燒友,記住叫普通茶,係普通個普,普通個通;因為佢地一開頭會 sell 你飲三十蚊一個茶位的茶,兩個人就六十六元連加一了。去到樂園,你比多兩枝水我好過,又或者一杯靚咖啡)。

這裏的裝修也算華麗,企理嫁!

先來一個點心拼盤,蝦蛟,燒賣,粉果,正呀!味道都唔錯,不過就當然無我去開既北園咁好味了。

飲茶又點可以無叉燒飽呀?味道OK!

剛想到一位好朋友講過,飲茶一定要有既野,山竹牛肉,蝦蛟同埋叉燒包。

燒味拼盤,叉燒拼燒鴨,不過不失;食完我懷疑呢度係咪美心集團開既,因為味道太相似了:

再來一個點心,春卷。味道好好,但佢做得確係精緻,賣相已經可以有八十分了。

揚州炒飯,好味,飯粒夠硬,料又用足,確係好食!

最後黎個糖水啦,我無野講,因為我和龍嫂其食左一啖就放低了,如果你唔識整糖水既話,包你整得好過佢;識整既,就更加,一定好過佢啦!

總括黎講,係迪士尼無得揀既情況底下,呢間餐廳都可以係你既考慮之列;龍嫂猛話好貴,但我同龍嫂講,入得黎玩就是但啦,最緊要玩得開心,有 feel!

我玩得都幾有 feel 嫁,因為呢度一草一木,都好似同外界隔絕,令你有唔係香港,去左外國既感覺;有個網友回應,話如果唔係睇內文,仲以為我去左美國迪士尼添!

(待續)

關於作者

龍震天

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>