網友兔兔問:
龍師父我想問多你一個意見, 其我身邊有個可發展的異性出現, 好似你咁講投入新既就會忘記舊的..但係我肖馬 , 對方肖鼠…相差6年..就係人們說的生肖相沖…而今年仲係我地既太歲年, 會吾會不合適? 如果因為生肖相沖而放棄發展機會, 會吾會好傻?
龍師傅答:
兔兔, 唔駛理呢D啦, 我都唔知睇過幾多相差六年, 不知幾好感情! 放心啦!
如你唔發展真係好傻! 一段感情, 未必一定要結婚的, 只要相愛過, 有感覺, 人生就會多左一段很有意思的回憶, 每個人都應該爭取多D回憶, 這就是有意義的人生了!
例如我當年寫書, 唔通又同出版社講, 唔得啦, 我今年都未係最好既時候, 多十年先啦, 咁咩? 諗到就去, 即使書唔好賣, 都對自己有個交代, 亦係將來可以同人講, 我有出過書嫁, 都唔知幾威!
結果點? 第一本三個月賣清火速再版, 我而家寫緊第九本書了, 如果當日唔開始, 諗呢樣諗果樣, 點會有今日做得咁好?
好好想一下, 機會是自己把握的; 好多人都話自己無機會, 其實係自己唔把握而已!
共勉之!