​今次的個案也算是常見，男朋友和自己感情要好但突然間發覺他原來有和其它女生在 Wechat，自己不知道如何處理；讓我們看一看。

網友分享​

多謝師父，呢幾個月我都有keep住睇師傅既blog,去學習更多同人相處嘅道理。

我有去改善自己嘅情緒同脾氣，亦都覺得同男朋友嘅關係好咗。如果師傅認為我既case可以幫到其他人請隨便分享。

（龍師傅註：好的，如題材適合，我會分享。）

我26,男友27.我做護士，佢做音響音樂。一齊左3年，舊年年尾分手因為佢話對我冇感覺，兩個月前佢搵我復合了。

（龍師傅註：年紀差一年問題不大；不過對方做音響，就要留意是否收入或工作很不定的那一類，而且也要考慮對方的工作前景。）

不過前兩日自己手痕，走咗去偷睇佢嘅電話。我都知道自己唔啱，亦都知道師傅講過唔應該咁做， 我見到佢WeChat，有女仔同佢傾計，入面只有女仔短短嘅兩句，問佢係做咩工作。

（龍師傅註：這很明顯只是初相識，不過也當然不能掉以輕心。）

但我見呢個對話俾佢轉咗做靜音提示。我就開始諗，會唔會佢將以前嘅對話剷咗？

轉咗做靜音但又唔封鎖或者刪除對話，係咪代表佢想繼續同呢個女仔有其他關係而吾想我知？

（龍師傅註：也當然有可能。）

我唔知係咪我自己諗得太多⋯⋯因為佢以前都試過做對唔住我嘅事，係我哋分咗手之後佢再同我講嘅，之後我地復合左亦原諒左佢，因為我知道以前自己都有好多情緒上嘅問題，成日亂咁發佢脾氣，所以我覺得佢去搵第二個都情有可原。

（龍師傅註：自己知道自己的情緒有問題，就要留意；情緒有問題感情好的機率是很微的，這是事實，而我只看事實。）

而家嘅我哋關係似乎好好，比未分手之前甜蜜左，佢亦都多咗搵我同送野比我，而家亦有一齊學車準備買車（佢比錢， 而且諗住租我屋企樓下嘅車位， 話方便送我返工，佢就唔住喺度既，一星期大概有一半日子過嚟我到）

（龍師傅註：這些都是想和你感情發展穏定的表徵，不過也當然他有可能會花心，但這些我們都控制不到。

​你也要想想你和他有甚麼等價交換。）

我有啲疑惑，師傅話表面看起來好就好，亦都唔應該將所有嘢拎出嚟講。

（龍師傅註：重點是你拿出來說有甚麼目的？如果對方真的變了心，他會因為你這樣坦白地說然後突然間很專一嗎？不會的；再者，他有前科，你要想想他是偶然間這樣還是經常這樣；如果他之前發生過現時又有女仔 Wechat，那就是他的心未定下來的行為了。）

咁我係咪應該就當咩事都冇發生過咁樣繼續同佢相處呢？

（龍師傅註：表面上沒事可以，但也要暗自留意，他有否常常說和朋友外出但不知道去了那裏，這也是你和他平日相處的藝術。

你有沒有了解過他的生活，所有細節？他是否很願意的告訴你；如果你之前一直只將被愛放大，也沒有心思了解他的家人，朋友，那你必然對他一無所知，當出事時你要問清楚也很難。）

如果我沒有打算分手，係咪就唔應該攞呢件事來講？

（龍師傅註：你沒有打算分手很正常，但你也要想想他是否一個值得你交往的人；如不值得又常犯，這種男人必然不值得你交往。

聽上去做音響收入不高而且不穏定，這也是你要考慮的因素。）

但係我而家心裏面又有啲唔舒服，同埋對佢冇信心。係咪就係所謂既冇十全十美，要自己取捨？

（龍師傅註：你沒有信心當然是正常的，我也沒有甚麼信心，有 Wechat 和女孩子傾計的習慣必然是一個不可靠的人，只是你很喜歡他，不捨得分手而已；在我看來也沒有甚麼理由要你全副精神放下去。

你只有 26 歲，必然有很多機會和別的人交往，不過你自己是否把握則是你自己的想法。）

希望師傅指點，請問我依家要做嘅係咪就係繼續做好自己，令到佢離吾開我，就算男人岀去玩貪新鮮，只要佢玩完識得返黎就可以？咁樣嘅諗法對嗎？

（龍師傅註：這是當然的，但我看不到你有甚麼東西做了而讓他離不開你。

如果你已經五十歲又有兩個小朋友，那你想著「表面看起來好就好」，「他玩沒有問題，只要他懂回來，對我好就可以」是很正常的；但你現時只有 26，而且還未結婚，又沒有小朋友，那就未必是這樣想。

再者，他也並不是每個月給十萬元做生活費，所以經濟上只是他和你一起去吃喝玩樂而已，並沒有去到改變你生活的程度，所以在這方面的等價交換也是很低。）

至於等價交換，佢收入20,000，我就三萬幾。

（龍師傅註：你收入還要好過他，你根本也不是需要他的經濟；男方這個人工買車其實是有點過頭了，現時養一部車很不容易，車位油錢保險維修，出街就泊車隧道費，很貴的；還是你很想有部車方便很多而夾硬來，又或者想威字行頭，那就是另一回事。

如大家有打算，那應該是儲錢的時候，那應該是街也不出回家吃的時候，但我看不到，這樣下去，你能夠想像數年後會怎樣嗎？很大機會甚麼都沒變，只看事實。）

不過我本身都冇諗住金錢上依賴男人。但同佢一齊嘅時候好輕鬆自在， 佢脾氣好好，我地相處都好開心好自然。

我本身生活圈子窄，吾知如果冇左佢可吾可以搵到另一個中意既男人。見佢吾知會吾會做對我吾住既事，我而家都有上交友app, 有少少騎牛搵馬咁。但其實我吾係想同佢分手，但又擔心吾知我地既關係會變成點，想同自己搵定後路，擔心佢會再次傷害我。我咁樣做是對的嗎？

（龍師傅註：不是你是否擔心的問題，而是你應該要做甚麼的問題。

對方不太專一，你必然要讓自己有機會，你想不想分手是一回事，對方是否值得你交往又是另一回事。

看上去對方人工不高而且不太專一，等價交換的東西很低，所以你現時是不停用一萬元去買二千元的東西，男女博奕上你是很蝕底的。

你現時還有青春，不要努力浪費自己時間過後來後悔就好。）