今天, 去了一間越南餐廳, 給我有一種 fine dining 的感覺. 很舒服, 價錢又不貴, 它叫 Rice Paper.

我和龍嫂本來沒有打算去這裏, 但由於下大雨, 在銅鑼灣 World Trade 之中走不出去, 於是就求其去了一間餐廳晚膳. 沒想到感覺是如此之好!

其實我唔知 fine dining 既定義係乜，亦問過好多朋友，都不能給我一個滿意的答案；但唔知點解，我一入到這裏，fine dining 這個字就在我腦海由然而生：

龍嫂入去先，我轉個頭才入去。一入到去，我記得同龍嫂講："咦？乜呢度咁 grand 呀？"

真係傾計都要細聲Ｄ。

環境一流，坐得舒服，招呼我可以俾八十分，服務員好 fine, 餐具又 fine, very fine!

餐牌精緻，睇下有乜食先：

圖文並茂，好清楚！

一般菜式價錢只是七十元至百多元，兩個人叫三樣東西，四百元包有得找。

越南菜，首選越式牛肉湯河，龍嫂鐘意食軟殼蟹，咁我再加多個福建炒麵啦！

呢度有酒叫，亦有得留，不過我地無飲：

檯面有枝唔知係乜，估計係礦泉水，十五蚊位，無限添飲：

刀叉好特別，後來發覺原來係公筷公刀公叉；我留有好好印象，因為我地無用過，佢地在後來照收回，我覺得好衛生，亦在呢種餐廳先搵得到。

呢間餐廳 target 左另一類人，我好奇怪，價錢其實一Ｄ都唔貴，我仲覺得好抵；但去到呢度既人，好似係另一種人，斯文Ｄ，成熟Ｄ，睇落去又成功Ｄ，好奇怪。

菜式來了，第一道係越南湯河，一百分，乜都唔駛講：

湯好濃香，好有牛肉味，我飲哂；牛肉佢好有心機咁整到一舊，河粉香滑，絕非一般街貨可比擬，六十八蚊，好有交待。我只能話，一百蚊我都會俾佢。

如果你係帶女朋友黎呢度既話，咁既環境，咁既河粉，如果佢仍然都係唔滿意既話，我建議你即晚飛佢，因為都無乜野可以滿足佢了。

再看河粉，非常香滑；而圖中可以清楚看到，碗湯係幾咁濃，我真係俾足佢一百一十分！

碗河粉有跟油炸鬼，好硬，唔係即整，不過都唔係重點了；自己落下Ｄ芽菜食下啦，好好味！

第二道，軟殼蟹，七十八元，貴得有道理：

食既時候要點這個醬汁，酸酸地，好惹味；配上軟殼蟹的炸物味道，一絕！

排得好靚，料好足，好好味道，軟殼蟹甘香，我同龍嫂食既時候都打左個突：

點解打個突呢？因為隻軟殼蟹好甘香，而且好多肉，你睇下幾多肉！我好少食過係有咁多肉既：

燒鴨福建炒麵，七十八元，唔值呢個價錢，我覺得下次唔駛叫：

味道其實唔錯，不過之前兩道菜太好味了，所以比了下去，我覺得五十八元，還是好味及值得的。

燒鴨都好好味，又大塊，我都全部食哂：

燈光係稍暗既，呢度傾計，食野，真係個人都即刻開心哂！

值得一提既係，呢度既招呼非常好，服務員好細心，出入都有講多謝，食完識得收碗收碟，反應快，笑容親切；我最欣賞既係有一個 gesture，就係在我地食完既時候，服務員收拾東西，因為我有半隻手指責住個 menu，佢無夾硬收走個 menu；相反，佢收哂碗碟之後企在我後面，待我隻手指放開後，才問我還要不要。

呢Ｄ就係專業既態度了。

另外，佢地倒水係拎起你個杯先倒，好有禮貌！

呢間 Rice Paper，我五粒星推介，真係好 impress!

埋單一看，原來兩個人不用四百元，只是二百多而已，好開心！因為去板長都係呢個價錢，但食左地方，食左精緻同招呼，我諗我以後會多Ｄ去呢間 Rice Paper！

Rice Paper
地址: 銅鑼灣 World Trade Centre Shop P413-418
電話: 28903975
必食推介: 牛肉河粉，軟殼蟹
平均消費: 一百三十元

食物質素：　　　　
環境質素：　　　　　
服務質素：　　　　　
物值　　：　　　　    　

總評　　：　　　　 （特登都去）

（分數指南：以六個太極最好，無太極最差。）

　無太極：一生不去
一個太極：被迫才去
兩個太極：免費才去
三個太極：可以一去
四個太極：一定要去
五個太極：特登都去
六個太極：一生必去