一直以來，我都有不少客人找我做感情咨詢，都是涉及第三者戀愛的。當中必然很複雜，而我也會用心給她們意見；這次的個案，女主角婚姻出現問題，所以就在無意之中發展了三角戀愛，愛上別的男人，但真的會開心嗎？

這次讓我們來分析一下當中的思路，以及在感情上應該如何去想。

感情有問題，不外乎三種情況：第一是單身，第二是有對象，但相處時出現問題，第三就是其中一方有第三者了；今天要分析的，正是第三種情況。

有第三者的原因很多，我之前的文章也有說明；如果要聽深入點的，我公開平台不能說的個案，就可以參加我 Patreon；那裏有很多真實個案，我都會用心分析，但就不能在公開平台說明。

而今天這個個案，女方有了第三者，但和對方感情穩定之後就很不開心；我們從中可以學習感情思維，第三者的對錯，以及她在感情上該如何想。

網友來信

龍師傅，你好呀！ 我喺機緣巧合之後睇到你個blog，我覺得獲益良多！ 因為我犯左好多你所講既一貫感性女同港女問題，例如：臭脾氣、做人好真好直率、好感性，好憑感覺做人；睇完你個blog之後，我覺得自己好清醒，亦都係理性左好多。

（龍師傅註：先多謝你的來信！因為你的來信可以幫助到很多人，讓大家更能掌握感情道理。

感情要好，一定要理性去看待；因為現實就是理性，而世界不會因為自己的感性思維而去改變。）

事緣我做左一個第三者大概5個月，一星期前斷左後睇到你個blog，我其實自己有一個好好嘅丈夫，但由於結咗婚好多年，而夫妻之間都有夫妻之間嘅問題（呢度主要就唔多講啦），所以就開始做呢段感情。

（龍師傅註：那絕不出奇，兩個人一起久了，淡了，如果一方還想有愛情感覺的話，就必然想發展另外一些關係；至於會否真的發展，就要看個人的道德標準問題了。

如果和丈夫結婚多年，對方也對自己很好的話，就沒有甚麼理由去放棄現時婚姻的；也因為如此，形成很多女生在結婚之後，再去追尋另外的關係。）

由於本人性格內向，開朗，面帶笑容，係你所講嘅容易吸引異性嘅女性，好多裙下之臣；就算結咗婚，都有好多同性異性會接近自己，取悅我。

由細到大都好多人追，所以慣咗要人就自己，更加形成港女性格，再加上屋企家底唔錯，所以我好多選擇。

（龍師傅註：那很好，足以證明你明白刻意打扮，以及桃花萬人迷的大原則，就是身體語言豐富，懂得男人心理，知道男人會想甚麼，想要甚麼，從而做出相應的行為或說話去吸引對方。

我有客人沒有愛情觸覺，導致男方其實很喜歡他，她自己一直都不知道；桃花萬人迷不可能是這樣。）

認識左呢個第三者一段時間，係一次嘅機會下，我哋喺WhatsApp傾偈，由於佢做咗啲我覺得好感動嘅嘢，所以我開始對佢有注意，亦都開始咗flirt，雖然本人有好多缺點，但係我發現我具備你所講嘅flirting技巧，知道點樣可以令到人更加注意自己，同埋鍾意自己，我哋好快就不斷傾偈，甚至乎開始咗。

（龍師傅註：絕不出奇，因為你外表漂亮，自然有人追求，而你本身也需要愛，所以對方追求你，條件又符合的話，你就感動了。

不過也請小心，第三者的開始，全部都是因為男女關係而開始的，這一點有很多一本正經的女生不會想，也不知道。

想想就明白，我未聽過第三者的開始，男方是不會和女方發生男女關係的；反過來說，如果沒有男女關係，那就不構成第三者。）

呢個男人絕對唔係你所提及嘅黑心男同埋搵食男，佢一約會第一日已經俾咗隻名貴手錶我，佢話佢好少戴，同埋完全唔孤寒，肯捨得使錢。

（龍師傅註：那他很大方，也可以演譯為追求你的一種手法。）

情到濃時，一個月我哋已經有關係，佢初頭愛我同感動我嘅行動係好多好多，包括可以全晚唔瞓着Online，不停打俾我同我傾偈，如果我嬲，就會不斷想辦法Tum我，而呢5個月佢係性方面都好想滿足我，我亦都好enjoy呢段被愛嘅日子。

但3個月後，就俾佢老婆開始發現佢唔對路，因為我哋出嚟嘅日子都出得好密，一星期可能見兩至三次，最少都一星期一次。

（龍師傅註：這不出奇，因為一開始時他要追求你，自然對你百般依順；但開始之後，如果沒有打算離婚，其實就力止於此；再加上他太太開始注意到，出來和你見面自然有困難。

看上去他不是只搵食，因為一起之後他還會和你 whatsapp，也會哄你；之後少了聯絡也不出奇，除非少了很多，沒有人會一生都 100% 追求自己的，這一點上你好像是感性思維，你想對方一生都維持一百分，這是沒有可能的事。）

時間耐咗，我都發現佢係一個完全冇主見，乜都聽晒老婆話嘅人，亦都係受制於屋企，因為佢係一個唔鍾意有計劃同壓力同埋自卑嘅人，月入40,000左右，但係都俾咗一半屋企，但係佢對我，冇孤寒過，出嚟俾錢全部都係佢，亦都間唔中會買下禮物俾我。

（龍師傅註：這也是正常相處。）

我付出嘅係唔多，當然買下禮物俾佢，間唔中出下錢係有既。

（龍師傅註：男女比例 7:3 就好。）

最主要轉捩點就係佢老婆開始懷疑佢，而我哋爭吵都多咗，我脾氣都發多咗；不過佢都好盡力keep住，好關心我，每個星期仲會keep住出黎一次。

（龍師傅註：這也是我常反對戀愛由第三者開始的地方，因為一起穩定了，自然會多要求，然後就會為了少見面而吵架；因為女方需要被愛，越想越多。）

但係過咗熱戀期，我覺得關心已經冇以前咁多，但係都係個幾鐘就會WhatsApp我一次，問候吓我，想知我嘅嘢，每一日都會同我傾幾次電話，包括星期六日都會keep住WhatsApp 同打一次電話俾我。

（龍師傅註：其實他對你也算是不錯了，只是你要求太高，被愛放大了。）

其實我不斷心裏面已經唔滿意同唔滿足，亦都曾經好想佢放棄屋企包括兩個仔女同我一齊。

（龍師傅註：事情當然沒有你想的這樣簡單，如果他離了婚和你一起，你真的肯定會放棄現時婚姻嗎？婚姻不是講愛情，而是生活及穩定，找一個能夠遷就你及對你好的人，而你現時丈夫做到一百分；你錯誤以為，離了婚和這個男人結婚就是真愛，結果真愛過了，去到生活各方面，你又會不滿意。

好了，去到有一天，對方累了，對你的態度轉變，到時連唯一的好處也沒有了，你必然會悔不當初；請相信我，我見過很多，直且都是真實客人的例子。）

仲有，濾境過左，見到好多野佢係唔適合我，不過我又唔捨得再無人俾個份關心我（當然頭3個月100%，之後已經係80%），應該叫大家三觀唔同。

（龍師傅註：你只是以愛情為主去看對方而已，其實兩個人要一起長期穩定，必然是說經濟，生活，價值觀。）

我終於係一星期前開始唔覆佢message，而斷左呢段關係。好想勸喻各位。女性，除非你真係好明白等價交換同埋保持理性，如果唔係切忌做第三者。

（龍師傅註：你的忠告希望大家都聽得到。）

而今次寫呢封信，都想問下呢個男人心態，雖然分開左，其實喺五個月當中，過咗熱戀期後，其實我哋有兩三次試過，我發脾氣，block佢一次，講句分手，跟住我又搵返佢，跟住佢又可以回復返對我咁好，我有問過佢點解唔搵我，佢話佢驚令我唔開心，佢覺得佢係令一個開心快樂嘅我唔開心，佢又俾唔到啲乜我。

（龍師傅註：他喜歡你是一定的，但他比較理性，只是你感性思維，每次吵架要被愛，才會想著要對方哄你是理所當然之事而已。

他的態度就是，如果你想繼續就繼續，想分開就分開，即以他的角度來說，他並不是沒有你不行。

當然，你可能會想，他和你見面時的確對你百般呵護備至，他沒有理由不愛你。

如果你有此想，你仍然停留在表面階段，只管看對方是否有送果盤糖水給你，有沒有開車門，褸披肩這些東西而已；真正看一個人不是這樣的。

他有這個行為，一起可以很好，不一起也可以，其實是他理性思維計算出來的；大致的因素如下：你的吸引力＋他有家庭＋太太的麻煩度＋你的情緒及被愛。

綜合以上各方面的因素，他計好數了，就是現時的態度。）

喺我一星期前斷前，其實之前嗰幾日佢都係搵得我好密，同埋佢啱啱先送完聖誕禮物同寫咗封信俾我，佢強調有我係佢嘅幸運，佢唔想我離開佢（當然，唔係放棄屋企嗰種）。

（龍師傅註：寫的東西，情緒及形容詞，任誰都可以寫得出來；唯有感性人最著重這些。）

但係我唔明佢點解個心態係我真係唔覆佢，佢又可以即刻放低我，究竟係咩心態呢？

（龍師傅註：不出奇的，因為他有壓力，也怕太太知道，而他也要付出去滿足你的被愛，換來的就是你和他的男女關係，如此而已。）

其實我幾了解佢啊，只要我唔覆佢，佢就可以唔搵我，雖然我朋友話，佢應該會再搵我，但係我都幾肯定佢唔會。

（龍師傅註：也有可能他厭了，但知道你有情緒，他也不想做醜人，所以由你自然流失；你不找他，他就此算數；只是你在感性角度潛意識不想承認這些事實，所以才想不到而已。）

利申，我係真心想斷，雖然頭兩日有唔開心，要習慣返冇咗呢份每日有人關心你10幾次嘅WhatsApp，但係做第三者永遠都話唔到事，當中又會涉及感性，但當我睇咗龍師傅個blog，好明白自己就係已經覺得佢冇等價交換嘅嘢俾我。

（龍師傅註：那就好，其實也不應該繼續，因為沒有結果，你現時丈夫除了沒有愛情幾乎滿分，所以也沒有理由離婚。

早日擺脫感性思維，不要再要求男人滿足你的被愛，心情就會好起來。

多謝你的來信，大家如果有經歷想分享的話，可以直接按此來信給我；如果感情有問題又或者想看自己姻緣運的話，就可以預約批命或做感情咨詢。

希望我的分析能夠幫到你！）