這次的個案，說明即使確認關係，開始拍拖，也不代表永遠一帆風順；所以何時也要留意，留意對方行為，留意自己的想法，不停更正，改變，才能確保感情順利。

所以我一直都鼓勵大家要多看實例。除了我的網誌之外，我最近更成立了 Patreon，內裏有很多公開平台我不會說的實例，去反覆印證我的理論，讓大家不停學習，增强感情技巧。

這次的來信很特別，因為來信者其實表面上甚麼都沒有做錯，甚至乎有意識做好自己，但到最後卻難逃被分手的命運。

事情總有原因，讓我們來看一看事情經過，然後再從中學習感情道理，想想表面以外的背後九成對方不告訴你的事情，思考一下。

網友來信

龍師傅，您好！

非常感謝您抽時間閱讀我之前嘅來信。我想補充更多資料，希望幫助您更了解我哋嘅情況，再次謝謝你。(可以公開分享)

（龍師傅註：先謝謝你的來信！也為大家解釋一下；這位朋友之前有來信，然後又覺得說得不夠清楚，所以也來信補充；我就將她的兩封來信資料一併公開，讓大家更清楚。

而你來信之後再補充，也可以解碼，說明你真的很用心想學習，也很想知道原因，讓我們邊看邊分析，看看你的做法有沒有問題，也看看有甚麼可以做得更好。

大家如果有感情問題，也歡迎來信詢問，讓我幫你分析；不過請留意，來信必定要注明公開分享，而我就會有機會在網誌或情到龍匙回覆；現時我已經很忙，也不會有私人回覆，所以一定要注明可以公開回覆，否則得到回覆的機率是零。）

個案背景：

我同前任男朋友拍拖接近兩年。本來我哋嘅感情算係穩定，半同居狀態 。 

但喺今年中開始，佢覺得我地感情變得冷淡，最後佢提出分手，理由係：「你對我太好，我對你無左愛情既感覺。」 分手時又話我係佢遇過最好嘅女仔 ，但分手後唔夠1~2星期，佢話前任搵返佢,  佢地一齊返  。

（龍師傅註：這可以解碼，如果分手後不足一個月對方就拍拖，有可能他一直都覺得很悶，只是你自己一直不覺察，而他也想在愛情上有追求，所以表面說大家都淡不如分手，其實在那個時候他已有打算。）

平時相處：

每次佢放工返嚟，我都會擁抱佢，偶爾會為佢準備小驚喜寫memo紙等等。有時我會煮飯一齊食，佢就幫忙洗碗。佢做家務比較多.我會幫忙買餸, 日用品等等.

佢有幾次話我搞到佢屋企亂左, 我都有盡量整理返同扔下唔用既野。

（龍師傅註：間中也會這樣，就是有些男生會愛整潔，但女方卻弄得凌亂；不過你也好，適時也會幫他執拾。）

我地都鍾意美食，有時都會搵新餐廳去試。

又會去旅行，製造更多回憶，希望感情保持新鮮。

當佢遇到工作困難，我會聽佢訴苦。佢無靈感時同我傾訴，我都會提供想法俾佢，有時都幫到佢；佢分享工作成果時，我都會真心讚賞，覺得佢好叻。

我工作有難題時，佢都會俾意見我。我覺得大家有互相支持，互相成長。

我會記得佢想買d咩，會主動幫佢格價，問佢仲需唔需要先幫佢買。

佢有時都會送禮物俾我氹我開心 。

佢屋企有白事，我有問佢如要殯儀服務資訊我可以提供，並靜靜地陪伴佢及陪佢出去處理相關文件，並幫忙處理家務，例如洗衫同照顧貓貓等。

（龍師傅註：以上你所說的，其實都做得很好，沒有甚麼特別問題；你也可能是我的忠實 fans，所以你也會照著我說的理論去做。

大家如果想學習我的理論，可以看我一系列的感情網上課程；其中愛情五十天條當然是愛情聖經，這是我每一位忠實讀者必然會參加的課程。

除此之外，我的 Patreon 當中也提過不少伴侶相處之道；因為平台不公開，所以我更能直接坦率地說很多公開平台不能說的事情，我會更真情演譯，更直接到位，大家也可以留意。）

我哋可能唔夾嘅地方： 

佢鍾意運動同戶外活動，而我偏向靜態生活，鍾意喺屋企陪貓放鬆。

（龍師傅註：這一點是可能他覺得不合的地方，變得有時候他想出外做運動或戶外活動，你就不能配合。

你未必要參加他所有的活動，但也可能參加部份比較好一點，否則你看起來會比較宅。）

我地有時會睇下展覽、睇戲、行街陪佢睇下有咩新模型、一齊散步，但就無陪佢運動。我亦唔會阻止佢同朋友跑步做gym等等。

我地有時會留係屋企一齊睇戲，同佢打機等。

佢時不時會同朋友講話我係一個細心、溫柔、善解人意嘅女仔，係一個好好既女朋友。

（龍師傅註：說你好當然是好事，但可能你太好不好動，讓他覺得你太過靜；而好和悶也只是一線之差，不過去到這裏，我仍然覺得你沒有問題。）

我地鬧交既次數只有幾次。

分手幾個月前話想要自己靜下，想要多D me time，又話覺得感情淡咗，好似家人咁，但講唔出具體原因。

（龍師傅註：其實愛久了，就會變成感情，親情；而他好像想在愛情上還有追求，可能你和他都年輕，所以他想再另找愛情感覺。）

我無再主動搵佢，俾佢空間，但佢幾日後又搵返我，解釋話只係想靜下，冇其他意思。我以為係因為佢屋企發生咗太多事，導致壓力大，但最終佢提出分手。

（龍師傅註：好像他比較注重感覺而忽略了實際生活；如果比較現實，你不麻煩，大家性格，生活習慣及價值觀差不多，其實就可以長期生活，不過就未必會持續有愛情感覺，但他好像不可以，他還想追求愛情。）

佢話我對佢太好,令到佢有壓力，甚至內疚，因為佢唔知點樣可以俾返相對既回應；佢覺得因為我對佢好，佢就有責任要對返我好，可能就係依個責任磨滅左對我既感覺。

但我認為我只係喺自己既能力範圍內付出，我無感到委屈或者要求佢回報。

我的困惑：

1. 係咪因為我哋興趣嘅差異，導致佢覺得淡咗？

2. 點解佢會覺得「對佢太好」反而成為壓力？定係只係藉口?

3. 係咪因為佢對我嘅愛本身就唔夠深？佢只係想要熱戀期, handle唔到平淡期？

4. 佢迅速回到前任身邊，係因為佢一直未放得低前任(之前係前任提出分手)，定係因為熟悉感同唔駛再重新認識？

5. 係咪我對人太好係我既錯? 雖然我唔知點解佢覺得係"太"好.

我希望喺呢次經歷中學到點樣更好經營感情。

再次感謝您撥冗閱讀我嘅來信。

祝一切順利！

（龍師傅註：看起來你真的問題不大，只是他覺得沒有愛情感覺，一起久了覺得悶，所以才會導致分手。

你其實只需要做回現在的你，很快就可以再找到另外一個合適的對象。

如果硬要說有甚麼進步，可能就是你要留意說話有趣，不要太過認真，大家一起生活不要太死板，但在我看起來真的合格有餘。

所以，愛情上有時候也未必有原因，因為是自己不能控制。

關於人如何變得有趣，以及在日常生活多花心思，大家就可以留意我 Patreon，內裏有很多公開平台不會說的例子，而這些例子可以讓大家更明白應該怎樣有趣，有溝通技巧。

不那麼正經及認真想事情，也是女性會變得有吸引力的其中一項要點，我有很多桃花萬人迷都不會想事情想得太正經認真。）