今天介紹一間有很多分店但你可能沒有進去的餐廳 – 沙嗲王。

它在銅鑼灣，佐敦也有分店；我今天去的，就是在佐敦恆豐中心的那一間。

我問過很多朋友，他們都知道有這間餐廳，但就是沒有去過，他們也說不出所以然來。

我也很少去，其實沙嗲王的食物水準是可以的，不過可能它並不太好坐，而且環境幽暗，但又不是浪漫的那一種，所以除非有特別事，否則我也是不會去的。

龍嫂也覺得很奇怪，她每次說要去，我總問有沒有其它選擇。

這裏選擇眾多，梗有一款合你心意：

以煎，炸野為主，也有海鮮，例如聖子，蜆，尤魚等等。

你也可以選擇自選套餐，可以食兩樣，再加一杯野飲，都唔錯：

再唔係，食粉麵都可以，方法係由上至下，揀湯底，然後豬牛雞，再揀粉麵；有無人計數叻？ 5 x 8 x 6 的組合，有 240 個選擇了；我最喜愛的，是冬蔭功 + 牛肉 + 粉絲：

意式焗蜆都唔錯：

這裏出品的焗飯都好好味：

睇定未？睇定了，就要落 order，這裏 order 是不用揮手的，只需按制就可以了，每張檯頭都有一個 panel，你要加水，埋單都可以按制：

我們叫了一個焗飯，一個豬扒湯米線，你睇下Ｄ湯幾白？未飲都知道好鮮味！

據佢地所講，Ｄ豬扒係經過高溫特別處理的，所以豬扒全部都係好鬆化，有彈性，而且極入味；邊個話豬扒我唔要嫁？豬扒都有好味既豬扒嫁！

還有一個小食，蝦春卷，龍嫂最鐘意，好好味嫁！

主菜，海鮮焗飯，正到暈！夠熱，料夠多，又新鮮，有蝦，魚，尤魚，食完真係百感交集！

再黎一個近鏡睇真Ｄ，原來剝左殼既蟹肉都有！嘩，一啖咬落去，軟綿綿，鮮甜！

食完黎左杯凍檸茶，呢杯茶就不知所謂了，我唔知佢地係乜心態，野食就一流，飲品就九流；上次我飲果杯咖啡又係咁，即沖仲要好唔好味：

如果你有乜唔妥，佢地有張紙比你填嫁：

不過我都係無填了。上次好天真咁填左好多野，係話佢杯咖啡可以點改善既；但後來都無下文，所以都係無謂浪費時間了。

真係 "投訴接受，做法照舊"！

總括黎講，如果唔計飲品既話，呢餐絕對係ＯＫ既，你睇下檯面既野食到咁乾淨就知道了：

埋單都只係九十元，仲要送多你十蚊現金券下次用，真係超平！

上次我同龍嫂食魚翅撈飯，加埋一Ｄ海鮮，埋單二百幾，佢隨左送好多現金券比我地之外，仲送多樽棘椒油比我地，都值廿蚊嫁；如果食到三百，會唔會有經理親自埋黎多謝我？

臨走，仲有兩粒糖比你食，咁似韓國烤既？

沙嗲王
地址：銅鑼灣中心, 佐敦恆豐商場
必食推介：焗飯，牛肉粉絲，脆蝦棒，龍蝦湯
平均消費：每人七十元
分數：＊　＊　＊

（分數指南：以六粒星最好，無星最差。）

無星：一生不去
一粒星：被迫才去
兩粒星：免費才去
三粒星：可以一去
四粒星：一定要去
五粒星：特登都去
六粒星：一生必去