【個案分享】若即若離男人當自己是普通朋友還是喜歡自己?

12 1 月, 2018

在感情路上,常常遇到對自己好的男人,但又不知道對方是否真的喜歡自己還是只當自己是朋友。

今天我們在這方面探討一下。

C 小姐來信

師傅,Update 一下,上次來信話有女朋友但好留意我果位同事,師傅你話佢只係中意我外貌已經無同佢聯絡;今次來信係想問另一位同事既野,唔介意師傅分享 希望對各位讀者有用。

(龍師傅註:好的,只要題材適合,我會分享,謝謝。)


我攪唔清佢係當我朋友定對我有意思,定係我比佢收左做觀音兵(其實我對佢係有好感,但我無介意show 比佢睇我有好感,因為師傅講過要盡量令男人誤會自己對佢地有意思)

(龍師傅註:這是一定的,很多女生都很介意自己的身體語言,努力讓自己打扮全黑,務求沒有一個人留意到自己;努力在日常工作及生活上很見外,務求讓自己身邊的每一個男生都不要對自己有幻想,其實這是錯的。

你必然要先在外表上吸引到對方,繼而在身體語言上吸引到對方,這樣才會讓自己有更多機會。)


A先生比我遲一個月返工,同我一樣係新同事;佢職位高我一級,有權比野我做。


由於工作上幫我拎左啲好重既submission 去交,咁岩我又經佢舊朋友(同公司其中一位同事)知道佢岩岩失戀唔開心,所以我就買左啲糖比佢,多謝佢幫我交submission。

(龍師傅註:這是好的,也是我常說的主動性;當然,對方是否喜歡自己,又作別論。)


佢之後都客氣地話係佢本份,我地就無繼續wtsapp。

因為同team 無人出去食飯,所以好多時候我和 A先生同另一位同事會一齊食飯。


開頭都好地地,但一個月後無啦啦佢係咁串我,經常搵我黎開玩笑,例如笑我遲鈍,笑我肥,笑我個樣成熟等等;但我只係識左佢1個月 而且佢唔會咁樣對其他同事。

(龍師傅註:那他喜歡你的機會大為減少。如果他喜歡你,他不會這樣批評你的。)


因為我份工有時要出入地盤 (9成係男仔),有次佢就話地盤有個男仔想識我問我攞電話Facebook 果啲,但我問佢係邊個佢就死都唔肯講。

(龍師傅註:其實你一秒鐘也不用想,就說不會給,又或者著他告訴那位男同事自己來拿也可以。)

有次office hr佢係地盤打電話比我(我係office ) 聊我傾左半個中,又係講我係地盤有花名,問我有無男朋友/有無男仔睇岩佢幫我地撮合等等,當時我好奇怪明明同佢唔熟,點解係咁搵我開玩笑。

(龍師傅註:有可能是他覺得和你熟,不足為奇。


到我離職既時候 (我做左未夠3個月) 整左啲布甸比三位較熟既同事包括a先生,但佢放假考試所以我last day 比其他同事既時候佢唔知道 。

係佢考試其間,佢講笑咁話如果我過去學校陪佢溫書佢就請我食野,我其實都要溫書所以都話無所謂,反正都係要溫,佢講左句乜你真係會黎就完左個topic 無約實到。

(龍師傅註:這種人是有點無聊的;即使你真的和他發展,也不見得你會很開心。)


點知原定約左果日,佢特登wtsapp 問我係咪黎,我話ok 但原來佢有其他朋友係度一齊溫,但就得我地兩個人出去食tea 而當日任何野食野飲都係佢主動爭住比。

(龍師傅註:你主動應約,他請你吃東西,是很正常的事情。)


我只係奇怪既然佢有朋友係度,點解要叫我黎仲要比錢請我食野;當時我以為佢係為左報答我整左布甸比佢食所以先請返我。

(龍師傅註:也有可能,另外他也可能當你是朋友,所以約你也沒有想過甚麼。)


佢放假都放得幾長,到佢返到公司果陣個布甸已經放左4晚;我wtsapp 提醒佢如果唔食得就掉左佢,因為驚佢忘記左放左係公司雪櫃無清理。

但佢竟然成個食晒,然後事後先話食到怪味。

我果下係奇怪:識左兩個月既同事/朋友唔需要咁比面食左佢掛,之後幾日我一路好關心佢既身體有無事,因為如果真係因為咁而攪到佢肚瀉我會好內疚。


咁岩平安夜我 send 左屋企既狗狗相比佢睇,佢就話要告發我公屋有狗要掩口費(後來話以食飯代替,其實有啲小學雞) ,其實我一聽就知係想約我所以我無推卻到;可能佢都感覺到。

之後佢話,我離職好大原因係因為佢無保住我,話佢好內疚,我就順勢話咁餐飯應該係佢請,佢都好大方問我幾時賞面食。


原本我聖誕假後就去旅行所以約左係一月。


但我有意外去唔成,佢不停主動幫我搵解決辦法;我凌晨5點中係機場上唔到機,自己一個唔知去邊好,佢就話我入黎佢屋企附近就請我食早餐。

我自己都無乜野做,就入左去一齊食;我地食完早餐,佢拖住我個喼周圍走又無問我去邊搭車,好似想搵地方行咁;我就順勢話我唔想返屋企。

結果我地食完係公園度坐左傾左6個中,講屋企野講價值觀講工作講戀愛觀等等;之後仲去左沙灘睇日落,搭車我訓緊教2次紮醒都發現佢望緊我。

佢平時最憎影相,但竟然係沙灘度錄低我係度避烏蠅好白痴果一面 。


因為我係病住又無30個鐘無訓,我一路睇日落一路咳得好西利;佢話陪我睇急症,結果佢特登由新界西陪左我去北區睇 (佢平時好少出新界西除非返工) 仲陪到我一點幾(第日要返工)  。


平時佢好刻意迴避對我既身體接觸,例如我話好熱,只係唸住隻手掂一掂佢隻手示意有幾熱,佢都會成個人彈走,好似好唔想我掂到佢咁。

(龍師傅註:由這些動作可以了解,他極有可能只是當你是普通朋友而已。)

係急症室我真係病得好辛苦問佢可唔可以挨住,佢話可以,挨左之後佢好緊張咁係咁轉個水樽;我知佢可能未必咁中意所以就無再挨坐返直自己訓。

但見佢之後既身體語言又好似唔係好抗拒:坐直挨近我果邊,隻腳同我隻腳距離好近,由身體語言我理解唔到到底佢係咪厭惡我,因為佢會避開我正常咁掂佢。

(龍師傅註:你說不舒服,他也有可能不好意思而給你靠著,而他不自然地轉水樽,是因為他和你未有過甚麼身體接觸而緊張而已,但也未能解讀為他喜歡你。)


尋日我食左藥 好暈心跳加速佢都即刻打電話問我洗唔洗陪我入院,但係今日我暗示聽日去塔門,佢又無話陪我,過左果日之後又無counter offer。

(龍師傅註:看起來他只是當你是朋友。)

佢一路對我做既野都係對我好,但係wtsapp 經常已讀不回;如果佢不回,我都唔會再搵佢。


但下次佢搵我,佢都係會主動結束話題。


師傅,到底佢係對我有意思但怕醜定係佢只係當我朋友?

(龍師傅註:他只是當你普通朋友而已,如他對你有意思,他不用主動完結話題的。

你想多了。

有時候,我們並不能控制指定的人喜歡自己,我們只能夠不停提升自己的說話技巧,身體語言,來讓自己有更多的機會。)

感情咨詢,一生運程,風水及擇日服務

龍震天設有:感情咨詢,一生運程詳批,合婚,陽宅及寫字樓風水,擇日結婚入伙,擇日生子服務。了解服務範圍及內容,收費可以按以下連結:

加我進 Facebook,讓你從此交上好運!

龍震天 Facebook 為眾人的心靈雞湯,每天定時推出鼓勵好運及人生正向訊息,幫助你改變想法,改變運氣。

​關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


​原價 HKD2,680,現時 ​免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

四天戀愛溝通術網上課程