1 2 月, 2019

​選擇對象,從來都是一個學習的過程

​我從來都跟大家說,選擇對象,從來都要不停學習,也要不停看新個案,因為總不會有一個人,完全符合已發生過的情況,而且選擇對象必然是要考慮多方面因素;也因此,我常鼓勵大家多看個案,看得多,就自然知道自己的位置在那裏,面前的對象有甚麼好有甚麼不好,最主要考慮的因素是甚麼。

且來看一封來信,網友年青貎美,完全是上上質素;無論身材,樣貎都會讓男生眼前一亮;而她在感情路上則還上問題。

讀者來信

龍師父:

你好!我係你既長期讀者,由18歲開始睇你既網誌到而家24歲。好多謝你一直堅持寫blog、出情到龍匙、facebook 直播,不停為我地呢班讀者分享唔同案例,令我地可以實際咁學識點樣理性談情。

(龍師傅註:多謝你的支持,最重要是不停看,心裏面就有正確的想法,然後應用在自己的感情生活上,必然會有很好的效果。)

我由未拍過拖,到而家有第三個男朋友,而就算生活圈子細,期間都有追求者,師父功不可沒。我今年year 4, 仲有幾個月就畢業,除左準備搵工,亦都想客觀審視我同而家男朋友既感情。所以想龍師父比d意見,亦希望我既案例可以幫到有同樣迷惘既人。

(龍師傅註:這就好,你有這麼好的外表及身材,其實不愁沒有男朋友的,也不用急,最重要是多選擇,自己慢慢選也可以。)

我同男朋友相識於2017年8月中,網上交友識,傾左三日就出黎見面。由於我地比對方外形吸引,岩岩識時對話已經非常曖昧,第一次見面拖手,第二次見面就錫左,我定義佢係搵食男。

佢係好sporty陽光型 。我估唔到佢從來無拍過拖,一開始覺得佢係無認真拍過拖但應該有過唔少女伴,但當時覺得玩下無問題。

(龍師傅註:也可以的,因為對方未拍過拖,也不知道如何去拍,也不知道何時有甚麼進度,所以第二次就有親密行為也不足為奇;更重要是你有出眾的外表,也必然吸引男方再進一步。)

然後keep住大概一星期見一次,就好似普通情侶咁,但除左拖手同錫無發生真正男女關係。

三個月後,我見男方都無任何表示,但我自己真係鐘意左佢,於是一次約會後表示係同佢最後一次見面,無謂浪費時間。

(龍師傅註:下次留意,不用故意說最後一次見面的,因為由這句話開始,你就輸了;如你真的不想見面,不見面即可。

如想見面,那這句說話就多了,只是將被愛放大而已。

這是很多女生常犯的通病,要故意說一些事情然後等男方哄自己。)

男方回應佢鍾意我,但剛畢業未搵到工唔想拍拖。

我覺得佢好高招,唔想認真又想留住我,因為佢平安夜會帶我見佢班兄弟,佢兄弟都以為我係佢女朋友。

(龍師傅註:既然你知道他高招,那你自己也要想想如何應對。

如果你有選擇,而且機會不差,其實不用急於平靜下來的,因為這位男生未全符合你的要求,進度又慢。)

我覺得好疑惑,如果係搵食男,佢從來無要求過男女關係,但如果認真,又唔比名份我。

我初時覺得未有工作係藉口,因為我知道佢無咩錢,出街都揀平既活動同一人比一次。

(龍師傅註:有可能他怕和你確認關係之後就要請你拍拖,他怕負擔不來。)

後尾等佢過左final interview, 差唔多有offer,已經係2018年2月,曖昧左半年,我再次表明唔想等,出街都唔比佢拖。佢當時已經確定會有offer,係唔知要等一個月定三個月,同我表白想我做佢女朋友,就係咁我地正式一齊左。

(龍師傅註:這種要表明態度才表白的,不值錢,你在這裏又急又輸,已處於下風了。)

我係佢第一個女朋友,後來佢畢業禮時我見過佢屋企人同所有朋友,所以都肯定佢對我認真。

(龍師傅註:他當然是認真的,他這麼沉默又不主動,只是他是否值得你花時間又主動對他而已。)

黎緊2月就係我地相識一年半,拍拖一年。

呢一年相處,我欣賞佢既地方係佢專一、理性、上進、成熟。

而經濟條件都穩定同會繼續升,政府工,月入above 40k。同我食飯都會主動比哂,由未搵到野做,我地食百零蚊都要AA, 到而家食$300-1000都係佢比。

我只係佢生日先請佢,有時我想要小禮物都會送比我。會主動同我講佢經濟狀況,例如加人工、準備投資等等 。

(龍師傅註:有好有不好,最重要是他的性格你是否接受得到,我覺得他比較沉默。)

但係人無完美。佢相對都有缺點。佢份人真係好悶同實際,一個木頭人。

我地溝通既內容主要圍繞佢工作/ 我讀書,但都唔係好深入詳細。簡單黎講我地無咩話題 ,亦好難有話題深入傾入去。 我估係佢成長環境有關。

(龍師傅註:這些都是要害。)

佢非常conservative,唔主動講自己私人同深入既野,但講general facts 無問題。

例如讀書/住hall/運動,但我地都極少一般正常情侶有既small talk,如價值觀上既交流、佢對某事既睇法。

(龍師傅註:這種男人你難以了解他內心,最重要是長時間這樣下去,必然會不開心。)

有時睇完戲同佢傾下套戲去了解佢,佢都好簡短咁講套戲好睇/唔好睇,唔會再elaborate。問佢野,佢答完唔會識拋返個波比我接。有時我想講下自己睇法都有點難。

(龍師傅註:他不主動表達自己,是他的問題,而你則有權想想是否和他交往下去。

相識一年已經這樣,往後下去只會越來越糟糕。)

再例如佢生日,我地book左酒店過夜,佢好滿意我book既餐廳,我又親手整左蛋糕,睇得出佢好開心。

上到酒店房,外型咁cool咁man既佢,竟然會嗲我,成個小朋友咁。我地第一次一齊訓,但到發生完關係後,佢就話攰要訓,同我講一人訓一邊床,攬住我佢怕會訓唔著。

(龍師傅註:這是性格問題,他有可能先天就不適合拍拖,宅男那種。)

果下我諗,佢真係係男女感情方面無咩經驗,好多時以佢自己角度出發,亦好似唔想同我有太深入既交流。正常情侶唔係通常會係訓覺前攬住傾下計架咩?

(龍師傅註:你說得對,當然會,所以他不正常;在他眼中好像沒有你,你也要想想他是否有阿氏保加症;這種症狀的人沒有同理心,不會想別人。)

我有表達過想佢多d表達自己睇法同內心感受,想佢著緊我多點。佢話本身天生份人內向,形容自己係boring and practical introvert,佢唔開心有壓力鐘意收埋,好難改變。

(龍師傅註:這可能是性格問題,但你不能改變,你只能想你是否繼續和他交往;因為往後交往如果你接受不到,很大機會你會浪費你自己的時間。)

因為咁,同佢係拍拖半年時嘈過一次。當時係佢工作壓力最大既時候,而我學業方面都有好大壓力,又同同學因為功課而嗌交,當時我充滿負面情緒,好焦慮同不安。

同佢呻,同時投訴佢忙到我唔可以同佢傾訴。佢因為咁講過一次我地唔夾,我地差點分手但大家都唔捨得,所以嘈完就無左件事。

(龍師傅註:這個時候問題出來了,而一起之後問題也必然不會解決的;你是否捨得是一件事,他是否適合你又是另一件事。)

但自此我無同佢講過我既負面情緒,有唔開心就自己做運動/搵朋友傾。

而我唔開心都係因為即將畢業對自己將來感到迷惘。同埋係呢段關係無安全感,怕佢會嫌棄我將來搵錢唔多,加上覺得佢唔著緊我/拍左半年拖我地仲係唔明白唔了解對方。

我同自己講佢唔識拍拖,要比耐性同心機咁教佢,真係好似教仔咁,有時好激心,又唔可以發佢脾氣。但有時我疑惑,佢係唔識,定只係唔係咁愛我?定係我放大被愛?

(龍師傅註:其實拍拖不用學的,只要有同理心,任誰都會相處得好;只要沒有同理心,拍一千次拖也是不會好。)

例如一月頭我去左8日旅行,返到黎香港當晚,問佢:「係唔係聽日見」出發前有講過下返黎見,但佢一直無confirm我。

確定後,我第二日上左佢屋企,我地傾下計,發生左關係後訓完晏覺,我問佢「今晚我地食咩?」佢同我講佢約左屋企人食飯。

(龍師傅註:就是這樣,這種人只顧自己,不會理會別人,你和這種人一起絕對不會幸福。)

我當下好難受。因為覺得佢無替我著想,如果佢夜晚同屋企人食又唔預我既話,人情世故上係咪前一晚可以同我講定,等我有定心理預備,安排自己既活動?

當下覺得佢搵我只想有男女關係,第一次咁嬲,嬲到轉過身唔理佢,但好彩佢都有哄我,叫我唔好嬲,提出再補返食飯。

(龍師傅註:不是好彩,而是你的厄運;我寧願他趕你走以後不找你,這樣你就不用想,你只是一心以為他會改變,但其實他不會改變的。)

我都有講返其實我嬲既係佢到我問先講,好明顯無為我考慮過,前一晚我問佢都可以講,咁我都唔會咁嬲。

第二係我去之前佢都有表示不捨,我地8日無見,佢唔想見我耐d咩?

(龍師傅註:好像不是,他只是想和你有關係而已,也沒有理會過你感受,更不用說愛你。)

再例如我發現我唔問佢,佢就無意識要同我講幾時放假。佢返shift ,我返學又返工,但我既shift係一個月咁出。所以我已經提早左同佢講我邊幾日放假。但都係夾唔到。因為佢係新人要比人揀左邊日放先,佢無得揀。

呢樣我都理解。但我唔理解既係佢唔主動講,約完一次後過左三日都無主動再約我下次幾時見。每次拍拖都係我主動問佢幾時放假,安排兩人都鍾意既活動。

好既係我反映後佢有share左更表比我,但變左我既責任去睇,睇完又係我主動約 。

(龍師傅註:不是好,而是他暫時改變而已,人的性格不會改變的;由頭至尾,你自己也很清楚:現時的他你接受不到,你想他改變。

但他是不會改變的,你要認清這一點。

當然,你覺得他會改變,那你就是在浪費自己的時間在等待,而我覺得你其實無需等待的。)

呢點我諗返係我放大被愛,因為佢份工都真係辛苦都攰,成日要ot又返shift。無心機精神記自己dayoff同諗拍拖活動可以理解。

(龍師傅註:可能有部份,但他著實也沒有甚麼付出,所以兩個都有問題。)

但令我無奈同動搖既係,佢放假可以一整日消失左,我唔搵佢,佢唔搵我。

(龍師傅註:這已經看到他其實對你沒有甚麼興趣,你也無需對他太上心。)

平時返工有時會同我講做gym跟住返工,臨放工又會同我講果日多唔多野做,洗唔洗ot。

(龍師傅註:還記得我說過嗎?這些都是沒有養份的對話,不會增進感情的。)

所以我估佢係因為係屋企hea無野講而唔搵我,同埋亦都可能無諗起我,所以我覺得佢唔係咁愛我。

身體語言最直接,拍拖咁耐,我地都好少有眼神接觸。

我情意綿綿咁望佢,但佢好少望返我,一時時。一開始可以解釋佢怕醜(相處耐左我明白佢真係個內斂怕醜仔,好多心機都係擺落事業,感情上真係好遲鈍)。

但都一年了,佢都係好少望我,有時即使係兩個人係床上好甜蜜既時光。

但有時又覺得佢愛我,因為佢係好實際既人,遇到我之前有女仔approach佢,佢都無視左人,whatsapp唔覆人,見面會避開人。

(龍師傅註:不是他特別愛你,只是他可能對女生興趣不大,也沒有很用心想去了解身邊的人。)

佢既兄弟見過我後都好surprise 佢竟然會拍拖,見我果陣真係嘩出聲。

因為覺得佢唔係會擺心機落女仔既人,但佢都會分時間比我。

(龍師傅註:一星期見一次,每次五個鐘叫做分時間比你?)

我唔過分既要求如果佢有時間都會滿足:食咩/送禮物/想見面/去邊玩/ 為我戒緊煙。

只係佢份工真係好忙,到而家我地都好少周圍去拍拖,多數睇戲食飯或者去佢屋企,咁耐有行過一次山。

佢有同我講而家努力衝完,將來唔洗擔心錢既問題。亦叫我唔洗送貴野比佢,知我仲係學生。

(龍師傅註:其實這種拍拖生活已經很不正常。)

而家呢段感情面對既問題係:

1)對方少主動,我踢一下旭一下,有朋友話我太就佢,所以佢慣左我主動。好方面睇係佢至少都仲肯旭下,唔係得把口重複完我講既野就當無野,而係有實際行動。但長遠會唔會打回原形仲要觀察。

2)少時間見面,少溝通,溝通內容無質又無量。已經少時間見,平均每星期見一次,每次都4-5個鐘左右。當中可能有一個鐘係係巴士到訓覺,或者2個鐘係睇緊戲。見左4-5個鐘兩個人已經有時會無野講。返工時間長同返shift難夾時間我可以理解,而佢都主動同我講過,過多幾年升職就唔洗返shift。但溝通方面真係搞唔掂。我本身對住朋友都算多野講,但對住佢好似啞左咁,而佢既conservative令我更難開口。溝通係雙向,當然我都有責任,而我既溝通技巧都唔係好好。我都唔明,點解我地有共同興趣係做gym都可以無計傾。

(龍師傅註:因為你選了一個不適合的對象,而你也沒有放手的能力。

何時也要記著,開始時可能不了解對方,選擇錯誤了就開始,情有可諒;但去到後來其實看清楚了,就要放手。)

所以我想請教師父:

1)如果以結婚為前提,呢個男人值得我繼續同佢一齊嗎?

(龍師傅註:是否結婚,也不值得,悶到連拍拖都有問題。)

目前佢係我遇過條件最好既男人(但唔係對我最好,前度收入同佢差不多,對我死心塌地,呼之即來,但我接受唔到前度外表,無辦法同佢有親密行為。)

(龍師傅註:只是以收入而言,但也要看其它方面的問題。)

男朋友外形係我鍾意既類型,專一,上進,事業穩定上升中,認真,理性無情緒,慳家但對我算大方,應洗則洗,有自己興趣(運動同打機)。

(龍師傅註:黑心男也可以有此特質,沒有同理心的男人也可以有此特質,自己要反過來想。)

師父講過睇一個人要睇埋佢身邊既人,佢既朋友都係呢類高質男,大部分有穩定既女朋友,有一個仲準備結婚。

家庭方面,男朋友獨生,父母係中產,都係做政府工。畢業禮時見過一面,感覺係nice都真係好錫+好遷就我男朋友。

佢缺點係唔識表達自己,唔識設身處地為人著想,要人就佢同超級有事業心。

佢讚過我最好係佢忙到陪唔到我時都唔會發佢脾氣,係佢眼中我都算係溫柔細心體貼+嗲人(佢受落)。我24就25歲,男朋友26就27歲,拍拖一年,如果順利其實黎緊一兩年可以開始諗結婚。

(龍師傅註:真的不要想,這樣悶又不會理會別人的男人,難道你覺得和他一起你很幸福嗎?我只覺得不可思議'如果是這樣,那你只是為結婚而結婚,只看到身邊人結婚你也不要執輸,趕著和身邊人交待而已。

我看不到你和他一起你有多快樂。)

但佢既事業心,令我擔心就算真係結婚都要長期獨守家中,好難維繫。

(龍師傅註:對,其實你沒有必要的。)

我明白自己愛佢,但都想要溫暖既家庭生活,例如病左時都有老公係身邊。

(龍師傅註:他絕對不能照顧你,他也絕對不會關心你。)

2)如果值得一齊,有咩可以做/點樣可以令佢愛我多一點

(龍師傅註:沒有。)

我去旅行8日少聯絡,無令佢掛住我,反而好似令我地疏遠左;我知道呢段關係開始時我急左已經輸左,所以而家一直處於下風,好多時好多野都係我主動。

(龍師傅註:其實真的不必要的,你現在還年青,必然要看看外邊的機會。)

點樣改變我愛佢多過佢愛我呢個處境?

(龍師傅註:不能,因為一開始時你選錯了對象。)

溫柔體貼細心儘量做到,同意唔同意既野真係好難,仲練習緊。

(龍師傅註:當然你可以同意你不同意的,但你也要想想有甚麼東西你能得到。)

我諗自己需要加強溝通技巧。同一般人傾到計係一回事,同一個內向內斂既話題終結者傾到計先可以話係溝通能力強!如果keep住無咩計傾真係好難維繫,莫講話促進感情。

(龍師傅註:你提升溝通技巧當然是好,但你也要同時看看對方是否值得你繼續。)

多謝師父睇完咁長既來信,最後比張相師父睇下我同男朋友既外表,其實對自己外表身材都有自信。我讀緊書,有做義工,有學野。亦都鍾意睇書,自我增值。將來都希望有自己事業,而家準備緊考政府工。但唔知點解係呢段感情中會充滿不安。將來有機會好想定期搵師父諮詢,可惜目前仲係學生無收入,希望師父會回覆我既來信!

(龍師傅註:你外表其實是很好的,只要你肯出去再選,必然會有很多選擇,而你現時的男朋友太不適合作為交往對象了,雖然他專一,有事業,但他不理會你,也沒有同理心,悶,沒有話題,這些都足以讓你離開他了。)

​越早果斷,逃生的機會就越高

​這個個案,我只看到一位女生如何選錯了對象,然後很想對象改變,如此而已。

​重點是,現時的他自己接受不了,那就不要想著對方會有甚麼改變,人是不能被改變的;除非自己能夠接受得到,但因為自己有條件,也有很多機會,所以我也看不到有甚麼妥協的理由。

"

只要自己有機會,就必然要早走早著,免得浪費盡自己的時間時才後悔。


​龍震天 ​玄學家 / 作家


感情咨詢,一生運程,風水,改名及擇日服務

龍震天設有:感情咨詢,一生運程詳批,合婚,陽宅及寫字樓風水,擇日結婚入伙,擇日生子服務。了解服務範圍及內容,收費可以按以下連結:

加我進 Facebook,讓你從此交上好運!

龍震天 Facebook 為眾人的心靈雞湯,每天定時推出鼓勵好運及人生正向訊息,幫助你改變想法,改變運氣。

​關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


​原價 HKD2,680,現時 ​免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?